KUMPLIENDO KU LEI I REGLA KONSTITUSHONAL PIN TA OPTA PA KANA SEGUN E PROSEDURA DI SEMPER

KUMPLIENDO KU LEI I REGLA KONSTITUSHONAL PIN TA OPTA PA KANA SEGUN E PROSEDURA DI SEMPER

Willemstad – Partido Inovashon Nashonal (PIN) a tuma nota ku ayera, 9 di mei 2017, tabatin hopi pregunta riba lei i regla konstitushonal den e kuadro di entrada di miembronan nobo den Parlamento.

Mester bisa ku durante un di e promé kombersashonnan polítiko ku a hiba den formashon dia 30 di aprel 2017, e tres (3) partidonan ku ta bai forma koalishon ku ta PAR, MAN i PIN, a trese dilanti komo pregunta: “kon e sekuensia pa drenta parlamento ta bai kana?” For di e momentu ei PIN a trese dilanti ku e ta opta pa kana e prosedura di semper i ta skohe pa sigui e lei i regla konstitushonal, esta, ku un miembro elegí den Parlamento ta huramentá i ta sali for di Parlamento na momento ku e ta bai drenta Konseho di Minister.

PIN no ta premia mal komportashon di algun partido ku a ninga di laga miembronan drenta Parlamento i a orkestrá hinter un gira (roadshow) di mal informá nos komunidat.

Di e manera aki PIN ta skohe pa sigui informá pueblo tambe i asina forma parti di e formashon di nos pais.