NINI FONSECA A RISIBI 25 AÑA DI PRIZON

WILLEMSTAD- Korte di promé instansia a sentensiá e sospechoso B.C.A.F. ku un kastigu di prizòn di 25 aña den e kaso di Magnus/ Maximus.

E kaso aki ta trata e asesinato di e polítiko Helmin Wiels.

Korte a pone atenshon ku riba 5 di Mei 2013, ku huntu ku otronan, a kita bida di Wiels ku un arma di kandela, intenshonalmente i prémeditá.

E prueba di envolvimentu di e sospechoso ta basá riba 4 pilá; esta:

E deklarashon di 3 testigu.

Mensahenan di teksto entre e sospechosonan i G.R.M.J.

Kada un di e pilánan aki, kisas riba nan mes no ta sufisiente, pero den e relashon entre nan ta duna firmesa pa karga e deklarashon ya demostrá.

MOTIVASHON DI KASTIGU.

Derecho di bida ta pertenesé na e derechonan fundamental ku mas mester wòrdu protehá den nos órden hurídiko.

Semehante aktuashon di violensia públikamente i di dia klá ta lanta sentimentunan di inseguridat den e sosiedat.

E atentado aki no a shòk solamente e órden hurídiko, pero henter e komunidat di Kòrsou gravemente.

E asesinato di un lider polítiko i parlamentario ta nifiká banda di esaki ku a trese daño íreparabel na e proseso demokrátiko, pa motibu ku e asesinato aki tin un karakter polítiko.

================================