KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Fundashon Birgen di Rosario: Selebrashon Dia di Enfermeria

Fundashon Birgen di Rosario: Selebrashon Dia di Enfermeria

Willemstad – Pa selebrá Dia Internashonal di Enfermeria riba dia 12 di mei, Fundashon Birgen di Rosario a pone atenshon na amor, dedikashon i kuido ku i enfermeranan ta duna diariamente. Tur kuater kas ku ta duna kuido profeshonal na hende grandi a organisá aktividatnan pa duna balor na su personal.

Fundashon Birgen di Rosario, ku ta ofresé pa kasi 75 aña kuido médiko na hende grandi, a habri Dia Internashonal di Enfermeria ku un seremonia ofishal. Despues di e hisamentu di bandera na Huize Welgelegen, Indra Rossen-Lucasius, presidente di “Raad van Bestuur” a duna un spich. E la indiká ku traha den enfermeria ta un vokashon, kual ta eksigí pashon, komprenshon, solushon, dedikashon i alabes amor. Rònt mundu nan ta para kietu na e bos di enfermeria ku por logra metanan duradero. Indra Rossen-Lucasius tambe a enfatisá ku e bos di un enfermera ta krusial pasobra e lo por kontribuí na mehorashon di e kalidat di kuido.
Na e kasnan Huize Welgelegen, Nos Lanterno, Richardushuis i Pasadia Mi Amparo e festividatnan a kontinuá. Kada kas a selebrá e dia speshal aki na un manera úniko. Den un ambiente amano, enfermeranan a disfrutá di nan desayuno i a ekspresá gratitut i apresio na otro. Na Richardushuis un par di enfermeranan selektá a risibí un sertifikado pa e trabou eksepshonal ku nan a hasi. Fundashon Birgen di Rosario, ku lo selebrá otro aña nan 75 aña di eksistensia, lo organisá proyekto i aktividatnan ku ta dediká mas atenshon na e nesesidat di kuido pa hende grandi.

639114718427035"
639114718427035"