Diputado Den Heyer trahando riba maneho pa nos grandinan TA BAI INVENTARISÁ E KANTIDAT DI PERSONA RIBA SESENTIDOS AÑA

Diputado Den Heyer trahando riba maneho pa nos grandinan TA BAI INVENTARISÁ E KANTIDAT DI PERSONA RIBA SESENTIDOS AÑA

Kralendijk – Den kuadro pa yega na un mihó maneho pa grandinan, gobièrnu di Boneiru, pa medio di diputado Nina den Heyer ta kondusí un sondeo bou di grandinan for di 63 aña i mas grandi ku ta risibí AOV. E sondeo ta un kolaborashon entre gobièrnu i Fundashon konsulta pa grandinan i e asina yamá “ Werkgroep Ouderenzorg Bonaire” .

Durante e siman di 15 pa 19 di mei un tim di sondeo lo ta na diferente bario. Ta invitá tur persona for di 63 aña i mas grandi pa pasa i yuda ku informashon pa e enkuesta aki. Ku e resultadonan gobièrnu por krea maneho nobo. Di akuerdo ku e proyekto e sondeo ta dirigí riba personanan di sesentitres aña òf mas grandi ku ta biba nan so. Diputado den Heyer djabièrnè último a duna un splikashon amplio durante di un rueda di prensa. Aki por a komprondé ku ta trata di un sondeo ku ta forma parti di e programa di gobernashon ku ta kombatimentu di pobresa. Di akuerdo ku diputado Den Heyer: “ esaki ta e grupo mas venerabel i ku un forsa di kompra hopi abou” . Basá riba resultadonan di e sondeo via di e departamentunan konserní lo bini ku plan di akshon.

E skema ku por pasa pa forma parti di e sondeo ta:
Djaluna, 15 di mei e tim lo ta na Antriol na Avanti, Plaza Franciscu Chicu Goeloe,
Djamars, 16 di mei e tim lo ta na sentro di bario Tera Cora
Djárason, 17 di mei e tim lo ta na Rincon na Cocari
Djaweps, 18 mei e tim lo ta na Playa, despues lo anunsiá e lokalidat
Djabièrnè, 19 di mei e tim lo ta na Nòrt Saliña, sentro Orkidia,
E orario ta for di 9or di mainta te ku 4or di atardi.

Ta pidi tur persona pa bini ku e sédula pa identifiká bo mes.
Pa mas informashon por tuma kontakto ku 7175330 tst 1221

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: