Apesar ku pais i empleadonan di Kas di Kultura ta pasando den momentunan difísil, MFK ta deseá tur yu di Kòrsou un felis Siman di Kultura

 

Apesar ku pais i empleadonan di Kas di Kultura ta pasando den momentunan difísil, MFK ta deseá tur yu di Kòrsou un felis Siman di Kultura

 

Hopi hende no ta para ketu ku kultura di un pais ta sumamente importante. Ta hustamente bo kultura ta pone ku bo ta diferensia for di otronan i Kòrsou no ta un eksepshon. Ta hustamente nos kultura ta loke ku ta hasi nos úniko den e mundu aki, no solamente komo yunan di Kòrsou, pero tambe e ta un dje elementonan ku ta sirbi pa unifiká nos dushi Kòrsou.

 

Ya pa vários aña kaba, Kòrsou a bin ta organisá na un manera grandi su Siman di Kultura, kaminda nos kada unu, na nos manera ta selebrá i biba esaki ku entre otro trahenan folklóriko, pero tambe  saboriando nos plationan krioyo, sin lubidá riba nos músika.

 

Sin embargo, e situashon ku e Gobernashon aktual a hinka nos aden, ta pone ku nos no por selebrá esaki den grandi manera ántes, pero esei no mester impedí pa esnan ku por, tòg para ketu na e siman aki, pa asina duna atenshon na kustumbernan kultural di nos Kòrsou.

 

Partido MFK tambe ta para ketu na e siman aki i ta kombibí ku empleadonan di Kas di Kultura ku durante di hopi aña a sa di organisá Siman di Kultura di un forma maestral. Danki na gran trabou di e empleadonan aki Siman di Kultura a krese i bira un aktividat ku ta konsientisá i eduká nos hóben i tambe e siman aki ta sirbi pa esnan mas grandi rekordá un etapa dushi den nan bida.

 

Ta di lamentá e forma ku gabinete Rhuggenaath a manehá Kas di Kultura i awe nos por mira kon un gobiernu a kaba ku e organisashon ku mester mantené nos kultura na bida. Frakshon di MFK  i lider polítiko kier deseá e empleadonan aki i nos kier bisa bosnan no pèrdè speransa loke bosnan a pèrdè awe, lo wòrdu rekompensa mayan.

 

Kòrsou frakshon di MFK kier deseá kada yu di Kòrsou tur kos bon den siman di Kultura aki i ban traha pa un selebrashon grandi di Siman di Kultura den aña 2021, naturalmente bou di un Gobernashon nobo, ku gobernantenan ku nan Kurason ta bati pa Kòrsou.

 

Atentamente

Gilmar (Pik) Pisas

Lider di frakshon

pa MFK