Sindikato ABVO Manera por a tuma nota ayera i awe e servisio di duana no ta brindando servisio.

Sindikato ABVO

Manera por a tuma nota ayera i awe e servisio di duana no ta brindando servisio. E motibu ta ku trahadó nan ta wardando ya pa 3 aña kaba riba un desishon di gobièrnu pa por muda. Tin un rapòrt di ARBO fechá 7 di febrüari 2022 ku e edifisio aktual no ta sigur ni salú pa e trahadó. E titular di Finansas no ta dunando kara ni tampoko ta bini mesa ku sindikato pa yega na un posibel solushon ku e sindikatonan. Sindikato ABVO ta kla pa atendé e problemanan aki pa nos miembronan ya ku e loke ta pasando aki ta un falta di rèspèt. ABVO ta di opinión ku no ta balorando e ser humano ku ta dunando servisio tur dia di nobo den kondishon nan deplorabel. ABVO lo no aseptá pa su miembronan sigui duna servisio den un situashon poniendo nan salú i bida na peliger.