Stadion di Rif, un lokalidat históriko, deportivo i kultural pa nos pais, no mag disparsé
Stadion di Rif, un lokalidat históriko, deportivo i kultural pa nos pais, no mag disparsé
Willemstad – Den un kompromiso fuerte pa herensia kultural, preservashon históriko, i vitalidat urbano, Jedrek Magdalena a anunsiá su posishon firme pa mantené i modernisá e ikóniko Stadion di Rif, en bes di kit’é.
Rekonosiendo su importansha históriko profundo, balor kultural, i impakto ekonómiko, Magdalena a presentá un plan amplio pa revitálisá e area importante aki pa nos sentro di siudat.
“Stadion di Rif ta mas ku un stadion—e ta un testimonio bibu di nos historia i identidat” Magdalena a bisa. “Pa kit’é, ta kita un parti di nos historia i kultura . En bes di kit’é, nos mester invertí den su modernisashon i ampliashon.”
Durante dékadanan, Stadion di Rif a sirbi komo un sentro deportivo i kultural. Rònt mundu, sentro di siudatnan ta e episentro ku nan stadionnan deportivo manera Madison Square Garden na New York, Santiago Bernabéu na Madrid, etc. Stadion den sentro di siudat tin varios benefisio pa bo pais. Benefisio ekonómiko, prestigio kultural, i energia urbano.
Ademas, mantené Stadion di Rif den su lokashon aktual ta garantisá ku e área di sentro di siudat ta keda bibu i konektá bon ku nos komunidat. Estudio ta mustra ku stadionnan urbano i sentronan kultural ta trese mas tráfiko pa restorantnan, tienda i negoshinan chikí, kreando un ekosistema próspero ku ta benefisiá henter komunidat. Siudatnan manera Chicago, ku Wrigley Field, i Londres, ku Wembley Stadium, a demonstrá e poder di integrá stadion den sentro di siudat pa stimulá turismo, desaroyo ekonómiko, i orguyo nashonal.
“Nos futuro no mester bai a kosto di nos pasado,” Magdalena a agregá. “Nos tin e kapasidat pa integrá mehoransa modèrno mientras ta protehá e esensia di loke ta hasi Stadion di Rif tan spesial. Manten’é den e kurason di siudat no ta solamente tokante di perseveransia, e ta pa garantisá ku nos siudat ta keda vibrante, ekonomíkamente fuerte, i kulturalmente riku.”
Kita stadion for di sentro di siudat lo ta e pihó desishon pa historia i futuro di nos pais.
Jedrek Magdalena Lista MAN/PIN #8
