10 Yüni próksimo den e Sala di PWFC REY JOHN HUNTU KU EMPHREM J I ERA

10 Yüni próksimo den e Sala di PWFC REY JOHN HUNTU KU EMPHREM J I ERA

SHOW LATINO & MAS despues di organisashon di su promé i grandioso aktividat ku a tuma lugá dia 7 Novèmber 2015, riba e lugá di parker di e Sentro Komersial Sambil ku presentashon di dos di e artistanan bachatero grandinan kual nan tabata Raulin Rodriguez i Frank Reyes. Awor e organisashon ta preparando pa un otro espektákulo di nivel i pa kual kier invitá e públiko di bon ambiente pa bin disfrutá di direktamente for di Repúblika Dominikana di e Bachatero hopi kotisá na e momentu aki kende ta REY JOHN huntu ku grupo musikal.

ARTISTANAN
Huntu ku REY JOHN lo bai tin presentashon tambe nos artista lokal pa kual Kòrsou ta sumamente orguyoso di dje pa e pouta ku e ta markando internashonalmente den su presentashonnan kende ta EPHREM J ku tambe lo hiba presentashon ku su propio e anochi aki. E públiko ku lo bai ta presente sigur lo bai disfrutá di un Fiesta tur afó ku un toke internashonal.
Ta bon pa bisa ku Rey John a subi yega den tòp di su popularidat den un tempu relativamente kòrtiku, danki na su grandisimo éksito “EL Problema” ku a kousa estrago sigur den Latino Amerika, Merka, Europa i tambe ta sumamente gusta aki na Kòrsou.
Ademas di Ephrem J Kòrsou lo keda representá tambe riba e anochi grandi aki, pa e banda mas kayente aktualmente i ku ainda ta den selebrashon di nan 35 aña den farándula esta ERA i tambe lo bai tei e famoso dj Argenis Huerta i dj Gregg.
EVENTO I AKSESO NA E SITIO DI FIESTA
E evento aki ta hiba di nòmber “Un Fiesta…Un Bachatero….REY JOHN”, kual manera lo ta un Mega Fiesta Bailabel ku lo tuma lugá dia 10 Yüni 2017, den e presiosidat di Sala nobo nobo, espasioso, moderno i luho riba e tereno di Rerfineria Isla, kual ta PWFC Multi Functional Center.
E akseso na e sitio nobo aki ta lo siguiente. Tin ku drenta na entrada di e Refineria kaminda tradishonalmente nan sa pone nan adorno di Pasku, pasa dilanti di e puesto di seguridat i sigui ku e kaminda bai na man robes i e kaminda mes lo dirigí te na e edifisio di PWFC MFC. Tin espasio amplio pa stashoná outo i tambe seguridat prepará pa tira bista riba tur outo miéntras abo ta disfrutá paden di e Grandioso Fiesta aki.

ENTRADANAN
E evento lo bai tin tres sekshon kual nan ta Sekshon General na rason di Nafls. 55,– i Nafls. 65,–, Sekshon VIP Single pa Nafls. 100,– i tambe un sekshon di VIP Mesa na e preis di Nafls. 450,– ku ta mesa di maksimalmente 4 persona i ta inkluí un bòter di bebida alkohóliko di bo eskoho.
Pa reservashon di únikamente karchi VIP Mesa por yama e number 6617035.

PUNTONAN DI BENTA
E benta di karchi lo start djabièrnè 19 Mei 2017 e sekshonnan General i VIP Single lo ta optenibel na e puntonan di benta Tik Tak, Beep Beep, Pompstation Sta Maria, Mensing i na e ofisina di Paga Fasil banda di e trùk di pan Komelon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: