Kòrsou ku otro akshon inovativo…….. Eksposishon ku fotonan gigantesko di Kòrsou na aeropuerto di Manaus, Brazil / Curaçao with another novel initiative… Gigantic Pictures of Curaçao on Exposition at Manaus Airport, Brazil

Kòrsou ku otro akshon inovativo…….. Eksposishon ku fotonan gigantesko di Kòrsou na aeropuerto di Manaus, Brazil

WILLEMSTAD – 17 mei 2017– Atrobe Kòrsou tabata sentro di atenshon den merkado brasilero na momento ku a lansa un eksposishon di fotonan gigantesko di Kòrsou na e aeropuerto di Manaus. E fotógrafo profeshonal Celio Said a saka diferente foto na Kòrsou i a eksponé un kantidat di 70 foto den forma di un tapeit den e área di check-in na e aeropuerto di Manaus.

E kolekshon di foto ku a keda eksponé riba e flur den e área di check-in tin un largura di 190 meter i un hanchura di mas o ménos 3 meter. Esaki ta krea un impreshon impaktante di e paisahenan di mas impreshonante di Kòrsou. Meta final di e eksposishon aki ta pa krea kuriosidat i di e manera ei generá e gana serka e biaheronan pa bishitá Kòrsou. E aktividat aki ta algu úniko i inovativo kual pa promé biaha a keda hasí na kualke aeropuerto na Brazil. E potrètnan ta mustra e diversidat di Kòrsou ku su playanan, sentro di siudat i e diferente atrakshonnan ku Kòrsou ta ofresé turistanan. Huntu ku e eksposishon a lansa tambe un revista ku informashon di Kòrsou su produkto turístiko. Riba portada di e revista tin un potrèt di Miss Kòrsou 2016, srta. Chanelle De Lau. E revista aki ta keda repartí den e área di check-in durante e orarionan ku tin mas tráfiko na e aeropuerto.

Ofisina di Turismo di Kòrsou (CTB) ta hopi kontentu ku e reakshonnan ku e eksposishon aki a haña den e merkado brasilero ku kobertura den korantnan lokal na Manaus i na televishon. Tambe e marka di brel, JoliJoli a lansa un kolekshon di brel bou di e nòmber Curaçao kual lo keda promové den nan kampaña ku imágennan di Kòrsou, durante e lunanan benidero. Representantenan di JoliJoli tambe tabata presente na e lansamentu di e eksposishon di foto kaminda nan a eksponé nan modèlnan di brel bou di e kolekshon Curaçao. E intenshon ta pa via di e diferente aktividatnan aki krea mas interes serka e brasilero pa biaha pa Kòrsou.

Nota:
1) Algun mucha disfrutando di e eksposishon di Kòrsou
2) E revista ku ta keda repartí den e área di check-in
3) Sr. Clarinda (CTB) huntu ku e fotógrafo sr. Celio Said
4) Representantenan di JoliJoli ku a lansa un kolekshon di brel bou di e nòmber Curaçao
========================

Curaçao with another novel initiative… Gigantic Pictures of Curaçao on Exposition at Manaus Airport, Brazil

WILLEMSTAD – May 17, 2017– Curaçao was once again in the spotlight in Brazil, with the launch of an exposition of gigantic pictures of the island at Manaus airport. A total of 70 shots of the island, taken by professional photographer Celio Said, are carpeting the floor of the check-in area at the airport in Manaus.

The 190-meters long and approximately 3-meters wide exposition spread out in the check-in area offers striking impressions of some of Curaçao’s most breathtaking sceneries. The ultimate objective of this unique and novel move, seen for the first time at any Brazilian airport, is to arouse the curiosity of travelers and motivate them to go visit the island. The shots show off Curaçao’s multiplicity, with its beaches, downtown area and various tourist attractions. In conjunction, a magazine is being handed out at the check-in area during the airport’s peak-traffic hours, with information on the island’s tourism product, and on its cover Ms. Chanelle De Lau, Miss Curaçao 2016.

The Curaçao Tourist Board (CTB) is excited about the reactions to this exposition in the Brazilian market, and the coverage it has received in local Manaus newspapers as well as on television. Also, the eyewear brand JoliJoli has launched a new collection of glasses by the name “Curaçao,” which they will be promoting in the coming months, in a campaign that will also be featuring images of the island. JoliJoli representatives were present at the launch of the photo exposition to showcase their Curaçao collection. Various additional activities are planned, aiming to arouse the interest of Brazilian travelers in Curaçao as a destination.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: