ROP i Stichting Monumentenfonds Curaçao ta fortalesé kolaborashon pa protehá monumentonan

Willemstad  – Servisio pa Planifikashon Urbano (ROP) a firma un protokòl di kolaborashon ku Stichting Monumentenfonds Curaçao. E akuerdo aki tin komo meta di fortalesé e kolaborashon pa protehá, konservá i restaurá monumentonan na Kòrsou.

E protokòl a wòrdú firmá pa ing. Raymond Felisie, direktor suplente di ROP, na nòmber di minister di VVRP, i ir. Jonathan Jukema, direktor di Stichting Monumentenfonds Curaçao.

Kolaborashon i proseduranan mas kla:

E akuerdo ta stipulá kon ámbos organisashon lo traha huntu den e proseso di petishon i evaluashon di pèrmitnan pa monumento, trabounan di mantenshon, restaurashon, reparashon di emergensia i demolis­hon.

Atraves di responsabilidatnan i proseduranan klá, e organisashonnan ta aspirá na un proseso mas efisiente, transparente i kuidadoso.

Tambe a akordá ku lo evaluáe kolaborashon anualmente, ku e promé evaluashon den un aña despues di firma.

Ku e akuerdo aki, VVRP, ROP, i Stichting Monumentenfonds Curaçao ta reafirmá nan kompromiso pa protehá e patrimonio históriko i kultural di Kòrsou, pa generashonnan aktual i futuro.