𝗨𝗻 𝗶𝗻𝘃𝗶𝘁𝗮𝘀𝗵𝗼𝗻 𝗱𝗶 𝗣𝗮𝘀𝗸𝘂, 𝘂𝗻 𝗺𝗲𝗻𝘀𝗮𝗵𝗲 𝗱𝗶 𝘂𝗻𝗶𝗼𝗻

Diabièrnè 23 di òktober 2026, Promé Minister Gilmar Pisas a forma parti di e evento di ‘Corporate Opening’ di Holiday Occasions, ku e aña aki ta karga e tema “Un invitashon di Pasku”.

Un evento ku tur aña ta reuní representantenan di sektor empresarial i invitadonan spesial pa duna komienso di temporada di Pasku yená di lus, koló i ambiente festivo.

Durante su diskurso, Promé Minister Pisas a enfatisá ku e berdadero magia di Pasku no ta solamente den e lusnan i dekorashonnan bunita, sino den e alegria, bondat i union ku nos ta kompartí ku otro.

E Promé Minister a ekspresá su apresio pa gerensia i ekipo di Holiday Occasions, ku nan kreatividat i dedikashon ta kontribuí na e ambiente festivo den diferente parti di Kòrsou.

Su mensahe tabata un invitashon pa nos tur: habri nos kurason pa otro, kompartí mas i hasi kada hende sinti su mes bon biní.

Pasobra e regalo di mas bunita ku nos por duna otro, ta hasi’é sinti ku e ta bon biní.