KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Gobièrnu ta instituí tim intra ministerial pa atende ku derame di zeta

Gobièrnu ta instituí tim intra ministerial pa atende ku derame di zeta

Willemstad – Mesora despues ku e Konseho di Minister nobo a pasa den e seremonia di inougurashon, nan a sinta ku representantenan di e diferente organisashonnan gubernamental ku ya kaba tabata envolví den trabounan pa limpia e zeta ku a susha sierto parti di nos isla.

Representantenan di e Ministerionan di Tráfiko, Transporte i Planifikashon Urbano (VVRP), i di Salubridat Públiko, Medio Ambiente i Naturalesa (GMN), huntu ku Havenmeester Sr. Marlon Roche komo kordinado di e tim, riba petishon di Konseho di Minister a forma un tim intra-ministerial ku ya kaba a traha un plan di akshon pa kordiná, vigilá i deshasí di e zeta na un manera responsabel. E plan di akshon aki a keda aprobá pa Ministernan di VVRP, GMN, Finansas, i Asuntunan General.

Te ainda a haña solamente mas òf ménos 5 liter na total di zeta krudo, den forma di pida-pida di 2 te ku 3 centimeter grandi na algun sitio. Banda di e zeta ku for di wikènt pasa a yega Klein Kòrsou, a detektá zeta na Ascension, entre Playa Kanoa i St. Joris, i den e bahia di St. Joris i na Shete Boka.

Gobièrnu ta hasi un apelashon na tur persona òf instansia pa no bai limpia riba nan mes. Esaki teniendo kuenta ku e zeta por tin komponentenan toksiko i ta peligroso pa salu di hende, mirando ku e kimikonan aki por afekta e keuru di hende! Tuma kontakto ku e tim ku ta kordiná na telefon 669-5929 promé ku hasi esaki.

For di 15 di mei último Outoridat Marítimo di Kòrsou (MAC) a risibi e promé informashonnan ku un tanki di zeta a kibra na Refineria Petrotin na Trinidad & Tobago i e zeta aki a plama den laman, i ku esaki lo por afektá áreanan den nos region. MAC a kuminsá papia mesora ku tur diferente stakeholders pa ta alerta pa e posibel efektonan ku esaki lo por tin pa nos isla.

Gobiernu lo sigui informa di e desaroyonan regularmente.

639114718427035"
639114718427035"