Wardakosta a detené 51 persona indokumentá (video)

Wardakosta a detené 51 persona indokumentá

Wardakosta di Area di Karibe (KWCARIB) den koperashon ku Kuerpo Polisial Kòrsou a hasi detenshon di 51 persona indokumentá den marduga di djamars 30 di mei, den serkania di Kòrsou. Dos Go-fast tambe a keda interseptá.

Alrededor di 12or di marduga, e Dash-8, e avion di patruya maritimo di KWCARIB a detektá dos Go-fast sospechoso, ambos na parti suit ost di Kòrsou. Un di e Go-fast nan tabata nabegá den direkshon suit. Dos Super-RHIB i e helikopter di wardakosta a keda poné den akshon. Un patruya di wardakosta di riba tera huntu ku un patruya di KPC tambe a keda dirigí pa Fuik i a inisiá un buskeda. Di e buskeda aki na tur a enkontrá 19 persona di kual 9 hende muhé i 10 hende hòmber. Probablemente nan a baha for di un di e Go-fast nan. Tur persona ku a keda enkontrá a keda entregá na KPC. Tur tabata di nashonalidat venesolano.

E dos Super-RHIB nan a interseptá e dos Go-fast nan riba awa. Den un di e Go-fast nan, ku tabata na parti suit di Caracasbaai, tabata tin 30 persona i den e otro Go-fast, ku tabata na parti suit di Fuik, tabata tin 2 persona. Ambos boto a keda transportá pa kustwachtsteunpunt na Parera. Eynan tur persona, di kual 14 hende muhé i 18 hende hòmber, tur di nashonalidat venesolano, despues di a listra tur pa seguridat, a keda entregá na KPC. Investigashon di e kaso aki ta kontinuá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: