KOMUNIKADO DI KUERPO POLISIAL KÒRSOU Aksidente di tráfiko ku morto (potret)

KOMUNIKADO DI KUERPO POLISIAL KÒRSOU
176 / 2017
31 mei 2017
Aksidente di tráfiko ku morto
KUERPO POLISIAL KÒRSOU SIRBI I PROTEHÁ

Djárason 31 di mei 2017 alrededor di 02.55 or, durante di patruya, polis a duna shofùr di un vehíkulo ku tabata kore riba Corrieweg direkshon Snipweg, òrdu pa para pa un kontrol. E dama shofùr a para e vehíkulo i na momentu ku e agentenan tabata aserkando na e outo e dama a ranka bai. Polis a bai tras di e outo ku na e momentu ei a subi Snipweg i lora drenta den Matanciastraat ku velosidat hopi haltu. Na krusada Matanciastraat / Kaya Akoerio shofùr di e vehíkulo a krusa e kaya, basha parti di kura di un kas riba Kaya Akoerio abou pa despues subi riba stupi di e kas i para. Despues di e impakto e dama shofùr a baha for di e outo i bai skonde den e kas. E otro okupante di e outo a keda heridá den e outo. Ambulans a transportá e hòmber okupante den situashon di preokupashon pa poliklínika di SEHOS pa tratamentu médiko. Polis a detené e dama J.C. nasé na Venezuela di 23 aña di edat. A transport’é pa poliklínika di SEHOS pa tratamentu médiko i a present’é dilanti un fiskal ouksiliar kual a ordená su enkarselamentu.
Alrededor di 10.01 or di mainta, Sentral di Polis a risibí informashon ku e hòmber okupante di e outo a fayesé debí na e múltiple leshonnan ku e la risibí. Nos ta publiká identidat di e víktima na momentu ku identifikashon ofisial tuma lugá.
Riba òrdu di fiskal di Ministerio Públiko a konfiská e kurpa sin bida di e hòmber pa mas investigashon.
Departamento di Tráfiko ta kontinuá ku e investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: