Pronóstiko di tempu pa Kòrsou i bisindario bálido te djabièrnè mainta 6:00 o.l., 2 di yüni 2017.
Pronóstiko
Pronóstiko di tempu pa Kòrsou i bisindario bálido te djabièrnè mainta 6:00 o.l., 2 di yüni 2017.
Kompilá: Djaweps 1 di yüni 2017, 05:00 o.l. (09:00 UTC).
Tempu: Por lo general parsialmente nublá i tantu awe i mañan mainta tempran por kai lokalmente algu di áwaseru.
Temperatura máksimo lo alkansá 32 ºC i temperatura mínimo 27 ºC.
Solo ta sali 06:10 i ta baha 18:57 o.l.
Bientu: Generalmente for di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den dia, de bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).
Situashon general: Nubianan relashoná ku un disturbio riba parti oriental di Laman Karibe lo oumentá temporalmente riba nos region. No ta antisipá sin embargo kantidatnan signifikante di áwaseru, di manera ku wer seku lo sigui prevalesé riba nos isla. Mas aleu nos bientu de bes en kuando lo ta fuerte durante di próksimo dianan.
Kondishon di laman: Por lo general moderá ku altura di olanan entre 1 i 2 meter (3 pa 7 pia).
Sistemanan signifikante di wer tropikal: Ningun. Awe, 1 di yüni, temporada di orkan 2017 pa region Atlántiko a kuminsá ofisialmente. Tormenta Tropikal Arlene ya kaba a forma for di aprel último riba parti nort di Osean Atlántiko, esta promé ku temporada kuminsá ofisialmente. E sobrá nòmbernan ku a ser reservá p’e tormentanan tropikal i orkannandi e aña aki ta: Bret, Cindy, Don, Emily, Franklin, Gert, Harvey, Irma, José, Katia, Lee, Maria, Nate, Ophelia, Philippe, Rina, Sean, Tammy, Vince en Whitney. Manera ta e kustumber, Servisio Meteorólogiko Kòrsou lo monitoriá disturbionan tropikal riba Atlántiko Tropikal i tambe parti oriental di Laman Karibe ku hopi atenshon. Si akaso esei ta nesesario lo emití boletinnan di vigilansia òf atvertensha pa públiko i outoridatnan lokal.
Fenómeno spesial: Ningun.
Pèrspektiva te djasabra mainta: Shelu ta parsialmente nublá i gradualmente un mihó posibilidat pa awa kai mas lat riba djasabra.
Meteorólogo: Coffie.
E próksimo boletin di tempu lo wòrdu publiká djaweps 11:00 o.l (15:00 UTC).


