DEBI NA PROMÉ PASO DEN MODERNISASHON DI AQUALECTRA NO POR KUMPRA PAGATINU, NI KONSULTÁ MIKUENTA DI DJASABRA 10 OR DI MAINTA PA DJADUMINGU 6 OR DI ATARDI.


Kòrda kumpra bo PAGATINU na tempu!

DEBI NA PROMÉ PASO DEN MODERNISASHON DI AQUALECTRA NO POR KUMPRA PAGATINU, NI KONSULTÁ MIKUENTA DI DJASABRA 10 OR DI MAINTA PA DJADUMINGU 6 OR DI ATARDI.

 

Willemstad- Siguiendo desaroyonan mundial i moderno, Aqualectra ta konstruyendo e kompania di Utilidat di Futuro pa por funshoná a base di mihó maneho interno i ofresiendo mas benefisio na su klientenan. Pa logra e meta grandi aki Aqualectra ta hasiendo invershon kuantioso den teknologia i tambe invirtiendo den su empleadonan pa krea e transformashon di e organisashon. Aqualectra a kuminsá un proseso di kambio dirigí riba inovashon i uso di teknologia moderno pa por funshoná mas efisiente i efektivo ku ménos desperdisio. Aqualectra ta pone énfasis riba profeshonalismo, servisio i komunikashon ekselente tantu interno komo ku su klientenan.

 

Aqualectra den último lunanan a bin ta prepará un proyekto grandi di outomatisashon kaminda lo mester amplia e parke di kòmpiuter ku ta prosesá tur dato ku Aqualectra mester pa por duna su klientenan servisio. E proyekto di outomatisashon aki, ora ku e terminá, Aqualectra lo presentá mas fasilidat pa por sirbi e kliente.

E trabounan aki ta nesesario pa Aqualectra dal e promé  paso rumbo pa e kompania di utilidat di futuro.  Esaki ta un paso grandi i históriko ya ku unabes e paso keda realisá, Aqualectra lo por sigui hasi preparashon pa introdukshon di sistemanan outomatisá tantu den su atministrashon, komunikashon komo distribushon di awa i koriente.

Debí na trabounan ku mester hasi na infrastruktura di kòmpiuter i komunikashon di Aqualectra, mester para tur sistema outomatisá pa un periodo di 32 ora pa por hasi e trabounan plania. Durante di e periodo aki lo NO ta posibel pa kumprá Pagatinu na ningun lokalidat ni lo por konsultá e portal di  kliente MiKuenta. E trabounan lo tuma lugá for di djasabra 3 di yüni, 10 or di mainta  te ku Djadumingu 4 di yüni 6 or di atardi. Durante di e periodo aki ningun punto di benta no por bende Pagatinu. Si lo por paga resibu normal via di Pagomátiko i PagaFasil na tur punto di benta

Aqualectra ke pidi un i tur pa ku mester kumpra Pagatinu òf konsultá MiKuenta pa hasi esaki promé ku 10 or di mainta djasabra 3 di yüni òf despues di djadumingu 4 yüni, 6 or di atardi. Huntu nos lo dal pasonan pa krea NOS kompania di utilidat di futuro.

 

Nos website, http://www.aqualectra.com, facebookpage, Aqualectra.Utility i Sentro di Kontakto 08000135 si ta keda aksesibel.

 

Aqualectra ta pidi diskulpa pa e inkonbeniensia ku e interupshon lo trese i ta hasi su máksimo esfuerso pa kaba ku e trabounan den e tempu  menshoná.

 

Atentamente,

Aqualectra       Sharo Bikker

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: