Komishon parlamentario di Tweede Kamer ta interogá sr. Gregory Elias
Komishon parlamentario di Tweede Kamer ta interogá sr. Gregory Elias
Un komishon parlamentario di Tweede Kamer ta kuminsá otro siman ku un seri di interogashon di algun direktor di kantornan di trust i otro personanan ku ta metí den e industria di asina yamá ‘belastingontduiking’ (keda sin kumpli ku impuestonan). Entre nan tin sr. Gregory Elias.
Pa keda kuestioná pa un komishon parlamentario asin’aki ta un di e sistemanan di investigashon di mas pisá di parlamentu. Motibu pa e enkuesta aki ta aspektonan di Panama Papers ku a keda divulgá. Pero mirando e testigunan ku mester presentá, e enfasis lo ta riba e aspekto di asina yamá ‘belastingontduiking’ (keda sin kumpli ku impuestonan). E testigunan ta keda skuchá bou di huramentu i ta obligá di koperá. Alabes lo skucha algun profeshonal manera empleadonan di Servisio di Impuesto, periodistanan, aktivistanan, empleadonan di Ministerio Publiko i di De Nederlandsche Bank.
Riba e di 3 dia, djabièrnè 9 di yüni, sr. Gregory Elias mester presentá. Sr. Gregory Elias ta ko-fundador di Intertrust i despues di a bende esaki a lanta United Trust ku tin filial tantu na Willemstad komo na Amsterdam. Kantornan di trust ta hunga un ròl importante den e paraiso di Impuesto. Mas testigu ku mester presentá ta direktor di Citco, e kantor di trust di mas grandi na Mindy, ku a keda fundá na Kòrsou.
Ta di spera ku despues di e interogashonnan por sali na kla kon e asina yamá ‘belastingontduiking’ ta tuma lugá.