Advertisements

E akshon di ofisina “Paga Bo But” na airopuerto a trese kune ku hopi hende a akudi awe na e ofisina di “Paga Bo But” riba Waaigat, p’ariba di Curoil.

Klik aki pa audio di Norman Sherphos
E akshon di ofisina “Paga Bo But” na airopuerto a trese kune ku hopi hende a akudi awe na e ofisina di “Paga Bo But” riba Waaigat, p’ariba di Curoil.

Na airopuerto Hato a para un total di 16 personen ku a resulta di tabata tin un of mas but habrí. A kobra esaki nan prome ku nan por a sigi nan biahe. 

E akshon spesifiko djamars na Hato di OM tabata den estrecha koperashon di Imigrashon, Douana, Koninklijke Marechaussee i KPC.

Na tur Ministerio Publiko a kobra djamars na airopuerto Hato i ofisina na Waaigat un total di 15.000 florin.

Ministerio Publiko (OM) ta anunsiá ku ta bai intensiva akshonan pa kobra but serka suidadanonan ku tin but habrí. Ta bai atende tambe mas fuerte ku esnan ku mientrastantu a risibi un prome i di dos “aanmaning”, esta un amonestashon.

OM ta urgi suidadanonan ku but habrí pa bin regla esaki of pa drenta un areglo di pago pa di e forma ei evitá inkumbinensia inesesario.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: