Nos selekshon lo topa selekshon di Nicaragua den un partido di fogeo djasabra, 17 di yüni 8’or di anochi den SUBT!

Nos selekshon lo topa selekshon di Nicaragua den un partido di fogeo djasabra, 17 di yüni 8’or di anochi den SUBT!

Komo preparashon pa e 2 eventonan grandi aki ku nos selekshon tin na kaminda, di 7 pa 9 di yüni, nos hungadónan residensiá na Hulanda i tambe nos hungadó lokal Ashar Bernardus ta huntu den un ‘trainings camp’ den e kompleho deportivo di KNVB na Zeist (Hulanda). Durante e ‘trainings camp’ aki nos selekshon ta praktikando bou di guia di nos ‘headcoach’ Sr.Remko Bicentini, riba e parti físiko i mental pa e 2 weganan di fogeo i nos kompromisonan durante e buèlta final di Scotiabank Caribbean Cup ku Gold Cup 2017. Djadumingu, 11 di yüni próksimo nos hungadónan di Hulanda i esnan di Kòrsou lo sali rumbo pa Canada pa asina enfrentá e selekshon di Canada durante un partido di fogeo dia 13 di yüni. E siguiente dia, 14 di yüni, nos selekshon lo bin Kòrsou pa sigui ku e training nan pa e wega di fogeo kontra Nicaragua.
E partido aki lo tuma lugá djasabra 17 yüni 8’or di anochi den Stadion Antoine Maduro (SUBT).

Karchinan pa e partido aki lo ta optenibel entrante mañan na FFK bou di ora di ofisina, Botika Mampuritu, Beep Beep i pòmp di gasolin Santa Maria.
Dia di wega karchinan lo ta optenibel na e lokèt nan di Stadion Antoine Maduro.
E partido ta kuminsá 8’or di anochi pero portanan ta habri for di 5’or di atardi, yega trempan pa evitá e trafiko!

E preisnan pa e diferente sekshonnan ta lo siguiente:
• Sekshon A; Tribuna pariba di tribuna di honor ta Fl.50,-
• Sekshon B; Tribuna patras di golnan na lado di Maripampoen ta Fl.25,-
• Sekshon C; Tribuna patras di golnan na lado di Willemstad òf Tribuna pabou di tribuna di
honor ta Fl.25,-
• Den e sekshon B i C (tribuna patras di golnan) mucha te ku 12 aña i 60+ ta paga Fl.15,-

Un yamada ta bai na hinter e pueblo di Kòrsou pa bin na bòshi, bin disfrutá di un tremendo partido! Sali ku bo bandera di Kòrsou, bo t-shirt, bo shal, bin apoyá i sostené nos hungadónan komo e number 12!

Nos ta topa djasabra 17 di yüni, 8:00 PM den Stadion Antoine Maduro!

Banda di e kompromiso grandinan aki di nos selekshon nashonal, nos tin tambe e selekshon U-15 ku ta preparando pa bai saka kara di Kòrsou den temporada di ougùstùs na Merka.
Nos damanan tampoko no ta keda atras, mirando ku e selekshon U-17 i U-20 tambe lo mester bai representá nos na Bermuda ku Trinidad & Tobago den luna di yüli i ougùstùs binidero.

Aparte di tur e selekshon nan aki, FFK ta bezig ku diferente proyekto eskolar den e área di Banda Bou. Sr. Nico Labohm di KNVB huntu ku un grupo di entrenadó lokal a bishitá un total di 4 skol na Banda Bou i a organisá torneo nan chikí di futbòl pa tantu e mucha muhénan i e mucha hòmbernan ku ta bishitá e skolnan aki. E meta di e torneo aki ta pa laga e muchanan aki sera konosí ku e deporte di futbòl i pa lanta e interes den e muchannan aki pa asina esnan ku no ta pertenesé na un ekipo ainda, por forma parti di un ekipo di futbòl.

Pues FFK ta sigui traha duru riba e desaroyo di nos hobén nan den e ámbito di futbòl pa sigui engrandesé e deporte di futbòl aki na Kòrsou!

Liga MCB ta kontinuá ku diferente partido interesante!
Resultadonan i skema Liga MCB pa wikènt próksimo

Kòrsou, 8 yüni 2017

Na tur Redaktor Deportivo

Presente

Tópiko: Resultadonan i skema Liga MCB

Resultado di partidonan anterior Liga MCB Promé Divishon:

Djabièrnè 2 yüni 17 20.00 C.Dominguito vs
J. Holland 2-5
Djasabra 3 yüni 17 19.00 Undeba vs
Willemstad 1-1
21.00 Victory Boys vs
Hub. Fortuna 0-3
Djadumingu 4 yüni 17 17.30 Subt vs
Scherpenheuvel 0-3
19.30 CSD Barber vs
Vesta 3-2

Skema pa e próksimo partidonan di Liga MCB Promé Divishon:

Djabièrnè 9 yüni 17 20.00 Victory Boys vs
Vesta SUBT
Djasabra 10 yüni 17 19.00 Scherpenheuvel vs
J. Holland SUBT
21.00 Subt vs
C.Dominguito
Djadumingu 11 yüni 17 17.30 Hub. Fortuna vs
Willemstad SUBT
19.30 Undeba vs
CSD Barber

Resultado di partidonan anterior Liga MCB Segundo Divishon:

Djaluna 5 yüni 17 19.00 Atomic vs Jong Colombia 1-2
21.00 Sta Cruz vs FC Sithoc 1-5
Djarason 7 yüni 17 19.00 U.D. Tera Kora vs C.H. Mahuma 1-3
21.00 New Song vs Indekor 0-5

Skema pa e próksimo partidonan di Liga MCB Segundo Divishon:

Djaluna 12 yüni 17 19.00 U.D. Tera Kora vs Sta Cruz FFK
21.00 Indekor vs Atomic
Djarason 14 yüni 17 19.00 DE Koning vs Jong Colombia FFK
21.00 C.H. Mahuma vs New Song

Resultado di partidonan anterior Liga MCB Terser Divishon:

Djadumigu 4 yüni 17 17.00 Buena Vista vs Dep. Sta Rosa 0-2
19.00 Cur. In. University vs Haitian Union Stars 1-4

Skema pa e próksimo partidonan di Liga MCB Terser Divishon:

Djadumingu 11 yüni 17 17.00 Dep. Sta Rosa vs Haitian Union Stars
FFK
19.00 Quick’60 vs Cur. In. University
FFK

Liga MCB Promé Divishon ta sigui e siman aki ku algun partido sumamente interesante di e segundo buèlta.
Kosnan ta birando kayente paso esaki lo ta e último buèlta promé ku e buèlta di 6 kuminsá i tur ekipo ke ta aden! E preis pa Liga MCB Promé Divishon ta fl.6 pa adulto miéntras mucha te ku 12 aña ku 60+ ta paga solamente fl.2.50.

Liga MCB Segundo Divishon tambe ta kontinuá ku e partidonan di e segundo buèlta. Tur e partidonan aki lo tuma lugá na tereno di FFK i e entrada ta kosta fl.2.50 pa tur hende.

Liga MCB Terser Divishon a ranka sali djadumingu ultimo i ta tuma lugá riba tur djadumingu 5’or di atardi ku 7’or di anochi na tereno di FFK. Tin un total di 5 ekipo ku ta partisipando na Liga MCB Terser Divishon i esaki nan ta:

1. Deportivo Sta. Rosa
2. Real Buena Vista
3. Quick’60
4. Caribbean International University
5. Haitian Union Stars

Tur e partidonan aki ta na tereno di FFK i nan ta kompletamente gratis!

Un yamada ta bai na hinter e pueblo di Kòrsou pa asistí na e tremendo partidonan di Liga MCB. Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

MCB i FFK ta warda bo!

This site uses Akismet to reduce spam. Learn how your comment data is processed.

error: Content is protected !!
%d bloggers like this: