Petishon di sr. Gibo Doran

Apresiabel Miembro di Prensa,

Pa medio di e komunikado akí, komo representante di pueblo i spesialmente den e sektor di kultura i edukashon, mi ke a hasi un petishon simpatikamente na radio emisora nan i tambe televishon nan lokal, pa por fabor toka e kansion ganadó di festival “Un kanto pa Kòrsou”.
Ya ta di 10 episodio di e festival aki ku a bin ta lanta di nivel tur aña mas, ku kontribushon di nos mihó músiko nan i intérprete nan. Ta hopi esfuerso musikal, tempu i plaka ta keda invertí pa e festival por ta realisabel i e premio di mas grandi lo ta pa e kansion haña e oportunidat pa zona hopi, p’e por penetrá den e pueblo.
No ta asina, ku ta e dia di presentashon so e mester zona, pa despues bai warda. Mi petishon spesial ta paso niun aña e kansion ganadó, no ta haña e balor na emisora nan i tv nan komo kansion ganadó, Un kanto pa Kòrsou.
Pues por último, mi ta spera ku mi petishon komo representante di pueblo i di e komishon kultura i edukashon por haña oudiensia.
Ku saludo simpátiko,
Boso representante,
Sr. Gilbert Doran sr.