Delegashon di Kòrsou tabatin un enkuentro ku representashon di diferente gremio den e komunidat di yunan di Kòrsou na Hulanda. 

Djamars 13 di yüni  e delegashon di Kòrsou tabatin un enkuentro ku representashon di diferente gremio den e komunidat di yunan di Kòrsou na Hulanda. Hendenan den e mundu komersial, sosial i polítiko tabata presente. Hopi di nan ta representá organisashonnan den nan sektor. E enkuentro tabata unu sumamente fruktífero pa tur esnan presente. Hopi ta esnan ku na final di e enkuentro a ekspresá nan gratitut pa e forma ku Kas di Kòrsou a organisá esaki i e forma ameno ku nan por a hasi kontakto ku e diferente miembro di Parlamento presente. Na inisio kada miembro di Parlamento a duna un introdukshon kòrtiku. Loke a resaltá mas tantu den e diferente spichnan tabata e echo ku tur sin eksepshon kier traha pa adelanto di Kòrsou.

Riba e galeria di potrèt por haña un impreshon di e enkuentro na Kas di Kòrsou.