KOMUNIKADO DI KUERPO POLISIAL KÒRSOU Detenshon pa violashon di Lei di Opio.

KOMUNIKADO DI KUERPO POLISIAL KÒRSOU
201 / 2017
13 yüni 2017
Detenshon pa violashon di Lei di Opio.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 13 di yüni 2017, alrededor di 6 or di mainta, Tim di Mantenshon di Órden Públiko
di Barber a tene entrada hudisial den un kas na Westpunt. E entrada hudisial aki ta
relashoná ku Violashon di Lei di Opio. Durante investigashon na e kas polis a haña i konfiská
un total di 339 mata di mariwana i atributonan pa prepará mariwana pa benta. Na e sitio a
detené e hòmber G.N.M. nasé na Kòrsou di 44 aña di edat, komo sospechoso pa violashon
di Lei di Opio.
A presentá e sospechoso dilanti un fiskal ouksiliar ku a ordená su enkarselamentu
pendiente pa mas investigashon.