KOMUNIKADO DI KUERPO POLISIAL KÒRSOU Dos detenshon pa trafikashon di hende.

KOMUNIKADO DI KUERPO POLISIAL KÒRSOU
203 / 2017
13 yüni 2017
Dos detenshon pa trafikashon di hende.
Departamentu di Komunikashon i Prevenshon
Página 1
KUERPO POLISIAL KÒRSOU SIRBI I PROTEHÁ

Djamars 13 di yüni 2017, alrededor di 10 or di mainta, personal di Divishon di Krímen Organisá a
detené dos (2) sospechoso pa trafikashon di hende. Esaki a tuma lugá durante un investigashon
relashoná ku e detenshon di algun Venezolano den anochi di 29 pa 30 di mei último realisá pa
Warda Kosta i Polis, den besindario di Mijnmaatschappij. For di e investigashon a sali na kla ku e dos
sospechosonan ariba menshoná ta sospechá pa trafikashon di hende den e anochi di 29 pa 30 di
mei 2017, alabes nan tambe tabata huntu ku e otro Venezolanonan ariba menshoná i nan tur ta
será na S.D.K.K. (den barak) wardando nan deportashon. Ta trata di e sospechosonan maskulino
respektivamente; A.J.P.H. di 26 aña di edat i W.G.V.V. di 29 aña di edat, ámbos nasé na
Venezuela.
A presentá e sospechosonan dilanti un fiskal ouksiliar ku a ordená nan enkarselamentu pendiente
mas investigashon.