Minister Hensley Koeiman ta realisá bishita di trabou na Tayer Soshal Sta Martha

Minister Hensley Koeiman ta realisá bishita di trabou na Tayer Soshal Sta Martha

WILLEMSTAD – Djaweps mainta Minister Koeiman, huntu ku algun di su kolaboradornan na Ministerio SOAW, a realisá un bishita di trabou na Tayer Soshal Sta Martha.
Durante di e enkuentro aki Minister Koeiman a a ser informá di parti maneho diario i direktiva di e fundashon di puntonan pa kua nan ta deseá atenshon di Gobièrnu pa e operashon i resultadonan por ta mas efisiente posibel na e Tayer Soshal. Alabes a papia di puntonan positivo i potenshal di e Tayer Soshal,posibilidatnan di eksplorashon di e lanthùis, edifisionan kultural históriko riba e tereno kaminda nan ta ubiká. Naturalmente pa saka probecho máksimo di e potenshal ta rekerí atenshon in invershon. Minister Koeiman a informá di su vishon relashoná ku Tayer Soshal Sta Martha i a primintí pa riba tèrmino i regular hasi mas bishita na e ‘tayer’. Alabes e partidonan a primintí otro di keda den kontakto estrecho i purba na huntu logra realisá ophetivonan di e sentro.

This site uses Akismet to reduce spam. Learn how your comment data is processed.

error: Content is protected !!
%d bloggers like this: