Nos selekshon nashonal a sali rumbo pa Martinique pa partisipá na e final di e Scotiabank Caribbean Cup 2017!

Awe, 19 di yüni, nos selekshon nashonal a sali rumbo pa Martinique pa partisipá na e final di e Scotiabank Caribbean Cup 2017!
E partidonan lo tuma lugá di 22 di 25 yüni próksimo!

Despues ku djasabra ultimo nos selekshon a empatá na 0 gol kontra e selekshon di Nicaragia durante e wega di fogeo, awe djaluna 19 di yüni pa 5’or di mainta nos selekshon a sali rumbo pa Martinique pa bai representá nos un biaha mas. Esaki en konekshon ku nos kompromisonan di e final di Scotiabank Caribbean Cup 2017.

Dia 25 di yanüari ultimo a tuma lugá e sorteo ku a determiná den kua pul nos lo kai.
E paisnan ku ta den nos pul ta lo siguente;
1. Jamaica
2. Martinique
3. Kòrsou
4. Frans Guyana

E promé partido ta dia 22 di yüni 6’or di atardi entre Jamaica i Frans Guyana mientras e segundo partido lo ta 8’or di anochi, kaminda nos selekshon nashonal lo enfrentá e ekipo amfitrion, Martinique. Dia 25 di yüni lo tuma lugá e partidonan final kaminda e promé partido lo ta pa e terser i di 4 lugá i e segundo partido lo ta bai ta pa e kampion i supkampion di Scotiabank Caribbean Cup 2017.

Nos selekshon lo regresá Kòrsou dia 26 di yüni pa sosegá i despues kontinuá ku e trainingnan pa nos kompromisonan di Gold Cup 2017 ku lo tuma lugá den luna di yüli na Merka, kual ta otro evento grandi ku lo konta ku kobertura mundial.
Nos ta deseá nos selekshon tur klase di éksito aya na Martinique i tin sigur ku nan lo trese e kopa di kampion!

19 yüni 2017

Liga MCB Prome Divishon. Esaki despues ku e weganan di ayera a keda kansela pa motibu ku no ta tin arbitronan disponibel pa dirihi e partidonan aki.

E partidonan ta lo siguiente;

Djaluna 19 yüni 17 20.00 Victory Boys vs Undeba SUBT
Djarason 21 yüni 17 20.00 CSD Barber vs Hub. Fortuna SUBT

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: