KOMUNIKADO DI KUERPO POLISIAL KÒRSOU Kontròl di tráfiko
KOMUNIKADO DI KUERPO POLISIAL KÒRSOU
217 / 2017
22 yüni 2017
Kontròl di tráfiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 22 di yüni 2017, personal di HITeam a tene kontròl di tráfiko riba Schottegatweg West i Plaza Juliana. E kontròl aki a tuma lugá entre 08.30 or pa 11.30 or di mainta i tabata dirigí prinsipalmente riba transporte públiko.
Polis a kontrolá 61 bús i a partí un total di 13 prosèsverbal pa e siguiente infrakshonnan kometé:
Manehá un bús sin faha di seguridat 9
Manehá un bús sin seguro bálido 2
Manehá un bús sin indikashon di kantidat di pasahero 2
Durante di e kontròl aki polis a detené dos (2) persona ku no tabatin e dokumentunan nesesario pa por permanesé na Kòrsou. A transportá nan pa Departamentu di Imigrashon Rio Canario pa mas investigashon.
E kontròlnan ta kontinuá.
