De SGR-Groep ta lansa wèpsait nobo

De SGR-Groep ta lansa wèpsait nobo

Willemstad – Resientemente Stichting voor Gehandicapten- en Revalidatiezorg (De SGR-Groep) a lansa su wèpsait nobo. E wèpsait nobo ta kolorido i informashon tokante kuido i guía pa personanan desabilitá ta mas aksesibel i strukturá.

Durante e desaroyo di e wèpsait moderno, a tuma kuenta ku funshonaliditanan importante pa hasi’é mas agradabel pa lesa. De SGR-Groep a invertí pa mehorá e imagen, navigashon i funshonalidat di e wèpsait. Bishitanten por mira mesora riba e “homepage”, kua fundashonan ta pertenesé na De SGR-Groep i por selektá mas informashon di e servisionan i produktonan ku Fundashon Verriet, Stichting Revalidatiecentrum Curaçao i Curaçao Orthotics & Prosthetics ta ofresé. Bishitá http://www.sgr-groep.org pa mas informashon di De SGR-Groep.