TAYER SEGURIDAT ALIMENTISIO.

TAYER SEGURIDAT ALIMENTISIO.

Willemstad-Den e siman di 26- 30 e ministerionan GMN i MEO
konhuntamente ku ADECK i e universidat di La Guajira a ranka sali ku su
di dos fase di e proyekto seguridat alimentisio den kuadro di MOU entre
Colombia i Kòrsou ku ta un tayer pa agrikultornan. Meta di e tayer aki ta
pa kapasitashon di nos agrikultornan lokal den teknologia moderno i
método nan avansá ku a prueba nan mes den klima seku i kayente.
Den e promé fase ku a tuma lugá den luna di aprel 2017 e universidat di La
Guajira a tuma mustra di nos tipo di suela i tambe e salu den nos awa, tipo di
pestisida ku ta wòrdu usa riba nos isla i tambe a tuma nota di nos métodonan
ku ta wòrdu usa pa produsí. A bishita kunukero den e área di banda bou,
área di Willemstad anto e área di banda riba.Den implementashon di e
trayekto aki lo konsulta nos ekspertonan lokal pa yega na solushonnan
balansa.
E proyekto di alimentashon lo konsistí di 4 fase ku un durashon total di 11
luna. fase 3 ta konsentrá riba stage pa un grupo di agrikultor na Colombia pa
asina pone loke nan a haña den fase dos den práktika bou di guia di e
universidat. Anto fase kuater lo konsistí di guia di e Universidat huntu ku
GMN di nos kunukero nan riba nan tereno durante implementashon di e
metodologia i téknika nan nobo;
Durante di e inougurashon di e fase dos di e trayekto aki tantu e titular di
ekonomia i di Salubridat i Medio ambiente i Naturalesa a hiba un diskurso
riba e balor di trayekto aki tantu pa ekonomia pero tambe pa salubridat.
Minister di desaroyo ekonomia a elaborá riba e importashon pa desaroyá e
sektor aki komo un sektor promèntè den nos ekonomia mirando e posibilidat
ku esaki ta brinda pa di MKB’er pa por penetrá e merkado nobo ku
relativamente tiki invershon.
E Minister di ministerio di desaroyo ekonómiko a enfatisá ku kresementu di
produkshon ta esensial, pa por logra esaki mester hasi un studio di faktibilidat di produkto lokal pa por produsí produkto ku e komunidat ta konsumí.
Mester bin ku insentivonan pa negoshi chikí pa asina stimulá empresarionan
pa forma parti di e sektor i mester garantisá kompetensia hustu.
Minister di Medio ambiente, salubridat i medio ambiente a invoká riba e
importansia di nos mes produkshon mirando esaki ta hasi nos ménos
dependiente di importashon sigur teniendo kuenta ku e situashon di
Venezuela últimamente. Banda di esaki e produkshon di fruta i berdura lokal
di un manera profeshonal lo ta muchu mas nutritivo lokual lo kontribuí na un
mihó salu i ménos gastu di salubridat. E echo ku nos produkshon di fruta i
berdura ta wòrdu hasi lokalmente ta duna nos e oportunidat di tin kontrol
riba e metodologia pa kombatí plaga di manera ku esaki ta sosodé den
harmonia ku nos medio ambiente pero tambe di un manera ku ta saludabel.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: