Cash-back mensual, mira saldo di kuenta i pago online, SMS alert i seguridat di chep! Papia di fleksibilidat di bo tarheta di krédito ku Banco di Caribe

Cash-back mensual, mira saldo di kuenta i pago online, SMS alert i seguridat di chep! Papia di fleksibilidat di bo tarheta di krédito ku Banco di Caribe

WILLEMSTAD: Banco di Caribe ta invitabo pa kòmbersá di bo tarheta di krédito nobo! E tarhetanan nobo di Banco di Caribe awor tin e teknologia di EMV chep p’asina sigurá ku por usa nan rònt mundu. Klaro, nan a keda ku e usual strep magnétiko na e parti patras tambe. Ku introdukshon di e tarheta nobo, Banco di Caribe ta lansa un kampaña ku lo inkluí diferente benefisio pa e kliente.

Den e kampaña di tarheta di krédito, klientenan lo risibí ‘cash-back’ mensual riba tur transakshon, eksepto lanta sèn via di un ATM. Aparte di hasi pagonan ‘online’, e kliente por mira su saldo di kuenta na tur ATM ku ta pèrmití esaki. Ademas, e kliente por apliká pa e sistema di SMS Alert kaminda e kliente ta risibí un SMS despues di kada transakshon lokal òf internashonal ku e hasi ku su tarheta di krédito. Esaki outomátikamente ta subi e grado di seguridat di e karchi i ta duna e kliente e posibilidat di kontrolá kada transakshon via di e SMS. Tur e benefisionan menshoná, ta aksentuá e fleksibilidat di e tarheta di krédito nobo di Banco di Caribe.

Personanan ku ta deseá di apliká pa un tarheta di krédito di Banco di Caribe por hasi esaki riba http://www.bancodicaribe.com i apliká online. Tur aplikashon nobo pa tarheta di krédito di VISA outomátikamente lo haña e tarheta nobo ku ta kontené e EMV chep i tur benefisio ariba menshoná. Klientenan ku ya tin un tarheta di krédito VISA di Banco di Caribe, tuma nota ku ta importante pa pasa buska e tarheta ku chep mas pronto posibel. Na Kòrsou por pasa tuma e tarheta nobo na branch Saliña i na Boneiru na branch den Kaya Grandi. Pa esaki mester presentá un identifikashon bálido i e tarheta di krédito sin chep. Pa mas informashon por yama servisio na kliente di Banco di Caribe Kòrsou na telefon 432.3200 i na Boneiru +599 717.7595.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: