Renaissance Curaçao Resort ta kontribuí ku programa di konsientisashon di hóbennan: Eksitoso ‘Clean Up Project’ di Miss Curaçao Teenager 2017

Renaissance Curaçao Resort ta kontribuí ku programa di konsientisashon di hóbennan:
Eksitoso ‘Clean Up Project’ di Miss Curaçao Teenager 2017

Willemstad – Yüli – Nos medioambiente ta un parti importante di nos produkto turístiko. Un isla limpi ta bisa hopi di nos hendenan. Ku esei den mente i enfokando riba konsientisashon di nos hóbennan, e partisipantenan den sertámen di Miss Curaçao Teenager 2017 (MCT), tabata tin un mainta dediká na kon ta kuida nos medio ambiente organisá pa Renaissance huntu ku IBFF, Starbucks i CurAloe. Renaissance Curaçao Resort tabata kontentu di por djòin den e programa aki i kontribuí na nos komunidat i ku nos hóbennan riba e importansia pa kuida nos medioambiente pa asina sigurá un mihó futuro pa nan i nos turismo.

Djasabra último, un grupo konsistiendo di kandidatanan pa sertámen di MCT 2017 huntu ku nan amigunan a bini huntu pa aportá na e proyekto bunita aki. E ‘MCT 2017 Clean Up’ ta parti di e preparashon ku kada kandidata ta risibí- den kuadro di nan responsabilidat pa Kòrsou su medioambiente i turismo. E programa a kuminsá 7’or di mainta. Tur hende a reuní na e terasa di Starbucks na Renaissance Mall promé ku a kuminsá ku e akshon di limpiesa den área di Otrobanda. Pa 9’or di mainta a sigui un seshon di entrevista ku kada kandidata ku preguntanan tokante e tema di medio ambiente. Nan a risibí preguntanan manera, kiko nan komo hóben por kontribuí kuné diariamente i kiko nan lo hasi pa yuda konsientisá hubentut riba e tema importante aki, kiko nan pensamentu ta prinsipalmente riba e impakto ku sushi tin riba nos turismo i nan futuro.

Renaissance Curaçao Resort ta deseá tur kandidata hopi éksito durante e trayekto di preparashon i tambe riba dia di e sertámen. Kuido di nos medio ambiente, limpiesa di nos isla i impakto di sushi den nos industria turístiko no mester ta un prekupashon di kandidatanan di MCT só, sino di henter nos komunidat.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: