Na komienso di festival del Caribe: Bonaire den spòtlait durante apertura di e sede di Prensa

Na komienso di festival del Caribe: Bonaire den spòtlait durante apertura di e sede di Prensa

Den un ambiente musikal tremendo
Inougurashon ‘Palacio de Prensa’ pa Festival de Caribe
SANTIAGO DE CUBA – Den un ambiente musikal tremendo, ku aktuashon di e maestro kitarista Gabino Jardínez i kantante Maria Isabel Prado, a tene un konferensia di prensa djasabra pa inougurá ofisialmente e sentro di prensa na Santiago de Cuba, for di unda diferente medio di komunikashon lo bai kubri e di 37 edishon di Festival den Caribe, ku ta dediká e aña aki na Boneiru. Diputado di kultura Nina den Heyer a hiba palabra na e okashon ei.
Tin hopi interes di medionan di komunikashon nashonal di Cuba pa kubri e festival, organisá pa e instituto Casa del Caribe, dirigí pa Orlano Vergés. E aña aki Casa del Caribe ta selebrá tambe su 35 aniversario. Pues tabata dos aña despues ku a inisiá ku e festival ku e instituto aki a keda fundá.
Despues di aktuashon djasabra di Gabino Gardínez i Maria Isabel Prado Gonzalo Gonzalez di Egrem, un entidat ku ta promové músika kubano, a habri e konferensia di prensa. El a asentuá e aporte grandi, asta di protagonista, ku prensa kubano ta hunga, dunando publisidat i promoviendo di e manera aki Festival del Caribe.
“E enkuentro aki ku prensa, ku ta marka inougurashon di loke nos ta yama ‘Palacio de Prensa’, ta e promé akshon di Festival del Caribe pa e aña aki”, Gonzalo Gonzalez a trese dilanti.
Orlando Vergés, direktor di Casa del Caribe, tabata kontentu ku Boneiru a aseptá e dedikatorio di Festival den Caribe e aña aki na e isla. “Gobièrnu di Boneiru despues di a aseptá e dedikatorio, a traha duru, tin bia bou di sirkunstansianan difísil, pa a logra forma un delegashon di alrededor di 200 persona, konsistiendo di tantu artista komo turista, pa biaha pa Santiago de Cuba.”
Diputado Nina den Heyer, enkargá ku e portafolio di kultura, tambe a papia durante e konferensia di prensa. El a splika entre otro ku pa Boneiru ta un honor di por a haña e dedikatorio e aña aki di Festival den Caribe.

E duo kitarista Gabino Jardínez i kantante Maria Isabel Prado den aktuashon durante apertura di ‘Palacio de Prensa’.
E duo kitarista Gabino Jardínez i kantante Maria Isabel Prado den aktuashon durante apertura di ‘Palacio de Prensa’.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: