Pronóstiko di tempu pa Kòrsou i bisindario bálido te djárason mainta 06:00 o.l., 5 di yüli 2017.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l., 5 di yüli 2017.
Kompilá: djamars 4 di yüli 2017, 05:00 o.l. (09:00 UTC).
Tempu: Awe den dia leve te parsialmente nublá i wer lo keda generalmente seku.
Entre awenochi i djárason mainta tin un chèns un poko mas grandi pa desaroyo di mas nubia, for di kual por kai un òf mas áwaseru lokal.
Temperatura máksimo lo alkansá 33 ºC i temperatura mínimo 27 ºC.
Solo ta sali 06:16 i ta baha 19:05 o.l.
Bientu: For di prinsipalmente direkshon ost moderá te basta fuerte; forsa 4 te 5 (20 te 39 km/ora, 11 te 21 nudo). Espesialmente durante di dia, de bes en kuando fuerte; forsa 6 (40 te 50 km/ora, 22 te 27 nudo).
Situashon general: Durante oranan di awe mainta no ta ántisipa ningun nubia signifikante riba nos region i un wer seku lo prèvalese riba nos isla. Un ola tropikal situá riba e parti ost di Karibe ta moviendo den direkshon wèst i lo pasa durante awenochi lat i djárason mainta ku mayoria di su wer nòrt di nos region.
Kondishon di laman: Por lo general moderá ku altura di olanan entre 1 i 2 meter (3 pa 7 pia).
Sistemanan signifikante di wer tropikal: A base di potrètnan di satelite a detektá un disturbio riba osean Atlantiko, na un distansia di mas o menos 1200 km wèst suitwèst di islanan Cabo Verde. E disturbio aki ta mustra potensial pa desaroyá den un siklón tropikal durante próksimo 24 pa 48 ora. Aktualmente e sistema aki ta moviendo poko poko den direkshon wèst nortwèst. Ku tur probabilidat e “potensial siklón” aki lo bai alkansa e parti mas nortost di Karibe aki sinku (5) dia. Pues e disturbio aki lo no ta bai ta un menasa pa nos isla òf áwanan den bisindario. Sinembargo servisio Meteorológiko di Kòrsou lo sigui desaroyonan di e sistema aki ku hopi atenshon.
Fenómeno spesial: Ningun.
Pèrspektiva te djáweps mainta: Parsialmente nubla i un chèns chìkì pa un áwaseru di durashon kòrtiku.
Meteorólogo: Statia.
E próksimo boletin di tempu lo wòrdu publiká djamars 11:00 o.l. (15:00 UTC).

This site uses Akismet to reduce spam. Learn how your comment data is processed.

error: Content is protected !!