Pronóstiko di tempu pa Kòrsou i bisindario bálido te djabièrnè mainta 06:00 o.l., 10 di febrüari 2023.

 

Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l., 10 di febrüari 2023.
Kompilá: djaweps 9 di febrüari 2023, 05:00 o.l. (09:00 UTC).

Tempu: Por lo general parsialmente nublá i no ta antisipá áwaseru signifikante.

Temperatura máksimo lo alkansá 29ºC i temperatura mínimo 25ºC.
Solo ta sali 06:59 i ta baha 18:40 o.l.

Bientu: For di direkshon entre ost i nortost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Durante di próksimo 24 ora, kondishon atmosfériko lo sigui stroba formashon di nubianan ku por laga awa signifikante kai den nos region. No opstante esaki, un oumento leve di humedat por kondusí na algu di áwaseru riba nos isla durante di próksimo dianan. Ademas, e forsa di bientu tambe lo oumentá i na su bùrt sòru pa e sekshon di laman habrí kontinuá un poko brutu.

Kondishon di laman: Moderá ku altura di olanan entre 1 i 2 meter (3 i 6 pia). E olanan mas haltu lo ta na nort i ost di e isla.

Fenómeno spesial: Ningun.

Perspektiva te djasabra mainta: Parsialmente nublá ku un áwaseru lokal posibel i bientu poko mas fuerte.

Meteorólogo: Rombley.