Pronóstiko di tempu pa Kòrsou i bisindario bálido te djabièrnè mainta 06:00 o.l., 20 di òktober 2023.

Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l., 20 di òktober 2023.
Kompilá: djaweps 19 di òktober 2023, 05:00 o.l. (09:00 UTC).

Tempu: Por lo general parsialmente nubla ku chèns chikí pa algu di áwaseru lokal durante mainta.

Temperatura máksimo lo alkansá 33ºC i temperatura mínimo 28ºC.
Solo ta sali 06:26 i ta baha 18:15 o.l.

Bientu: Direkshon ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia i áwaseru, ráfaga te basta fuerte; forsa 5 (31 te 39 km/ora, 17 te 21 nudo)

Situashon general: Durante oranan di mainta, kondishon atmosfériko lo ta faborabel pa formashon di algun nubianan signifikante ku chèns pa algu di áwaseru riba nos isla. Pa sobra di e dia, ta ferwagt ku esaki lo ta ménos i ku lo ta relativamente seku. Sinembargo, durante djabièrnè, un disturbio den nos área ta pone e chèns aki bolbe oumentá gradualmente i lo por trese algun áwaseru riba nos isla ku e posibilidat di welek i bos.

Kondishon di laman: Trankil te moderá ku altura di olanan entre 0.5 pa 1.5 meter (2 pa 5 pia).

Sistemanan signifikante di wer tropikal: Tormenta tropikal Tammy ta situá ost di e islanan den e sekshon ost di Karibe i ta move den un direkshon wèst. Durante djabièrnè ta ferwagt ku e sistema aki lo kuminsá move den un direkshon wèst nortwèst i lo alkansá e islanan nortost di Karibe inkluso islanan ariba durante djabièrnè i djasabra próksimo. E siklonan tropikal no ta representá un menasa pa Kòrsou.

Fenómeno spesial: Ningun.

Perspektiva te djasabra mainta: Parsialmente te de bes en kuando basta nublá ku algun áwaseru lokal ku chèns pa welek i bos.

Meteorólogo: Vrutaal.