Komo parti di e konsepto ‘Experiential Travel’Personal di CTB a bishitá 4 atrakshon turístiko – CTB Personnel Visits 4 Tourist Attractions in connection with the “experiential travel” concept


Komo parti di e konsepto ‘Experiential Travel’Personal di CTB a bishitá 4 atrakshon turístiko

WILLEMSTAD – 11 di yüli 2017 – Resientemente, personal di Ofisina di Turismo di Kòrsou (CTB) a bishitá 4 atrakshon turístiko ku ta pone atenshon na e konsepto di Experiential Travel. Experiential Travel ta un forma di turismo kaminda ta konsentrá riba krea eksperensia outéntiko dor di konektá e bishitante na sitionan spesial, hende i/òf kultura di un destinashon. Ta trata aki di un konsepto ku na hopi parti di mundu ta keda praktiká. Meta di e bishita tabata pa eksperensiá e diferente atrakshonnan i duna feedback riba e produkto ku ta keda ofresé komo parti di e konsepto di Experiential Travel. E personal di CTB a bishitá: Kas di Pal’i Maishi, Williwood, Den Paradera di Dinah Veeris i Landhuis Chobolobo. E atrakshonnan aki ta aktualmente den e fase transitorio di bende simplemente un tour pa bende un eksperensia.

Krea eksperensia ta loke ta pará sentral bou di e konsepto Experiential Travel. E parti di krea eksperensia ta nifiká ku ta brinda oportunidat na e bishitante pa siña, hasi i tambe eksperensiá e hende lokal. E aspekto siña, ta konsentrá riba ken e hendenan di e pais ta i kon nan ta biba. Hasi, ta konsentrá riba laga e bishitante ta un partisipante aktivo i no un opservadó. E último punto importante bou di e konsepto aki ta e parti kaminda e bishitante ta haña oportunidat pa konektá ku hendenan lokal ku ta interesá den kompartí nan kultura, patronchi di bida i partikularmente abilidatnan ku nan tin.

Aña pasá den luna di novèmber, CTB a trese Kòrsou un eksperto riba e tereno di Experiential Travel kual ta sra. Judy Karwacki. Sra. Karwacki a duna un presentashon i workshop di e konsepto aki na sektor privá i tambe a bishitá algun di nos atrakshon i sitionan turístiko pa asina kompartí ideanan nobo ku por yuda nan den e trayekto pa desaroyá e konsepto aki muchu mas. Den 2 grupo personal di CTB a haña oportunidat pa bishitá e 4 atrakshonnan turístiko menshoná pa asina eksperensiá kon e atrakshonnan aki ta pone e konsepto di Experiential Travel den praktiká i pa por duna feedback konstruktivo. Ku hopi orguyo personal di CTB por a konstatá ku e atrakshonnan aki ta hopi bon riba e kaminda pa ofresé no simplemente un tour pero un eksperensia total. CTB ta kontinuá ku su esfuersonan pa sigui promové e konsepto di Experiential Travel di manera ku e komunidat turístiko ta integrá esaki muchu mas den e produkto ku ta keda ofresé na nos bishitantenan.

Nota:
Personal di CTB durante di nan bishita na e 4 atrakshonnan turístiko
========================

CTB Personnel Visits 4 Tourist Attractions in connection with the “experiential travel” concept

WILLEMSTAD – July 11, 2017 – The personnel of the Curaçao Tourist Board (CTB) recently visited four tourist attractions that are applying the Experiential Travel concept, which is catching on in many parts of the world. Experiential Travel involves tourist activities focussing on creating authentic experiences by connecting the visitor to special sites, people and cultural elements of the destination. The aim of the visit was to experience the different attractions and give feedback on the product being offered as part of the Experiential Travel concept. The attractions visited, Kas di Pal’i Maishi, Williwood, Dinah Veeris Herb Garden – Den Paradera and Landhuis Chobolobo, are currently transitioning from selling simple tours to offering experiences.

Creating an experience is at the core of the Experiential Travel concept. It involves offering the visitor the opportunity to learn and do things, and to interact with locals. The “learning” aspect revolves around understanding who the locals are and how they live. The “doing” aspect focusses on allowing the visitor to be a hands-on participant rather than a passive observer. The last key aspect of this concept offers the visitor the opportunity to engage with locals interested in sharing their culture, their way of life and especially their skills.

In November last year, the CTB invited an expert on the subject, Ms. Judy Karwacki, to come to the island. Ms. Karwacki gave a presentation and a workshop to the private sector on Experiential Travel and visited some local attractions in order to share new ideas that may help them in further developing the concept locally. The CTB personnel, split into two groups, had the opportunity of visiting these four attractions in order to experience first-hand how the Experiential Travel concept is being applied, and be able to offer constructive feedback. It was a boost for them to see that these attractions are well on the way to offering not only tours, but rather total experiences. The CTB will continue its efforts to promote the Experiential Travel concept, with a view to the concept being integrated by the local tourism community even more into the product offered to the island’s visitors.

This site uses Akismet to reduce spam. Learn how your comment data is processed.

error: Content is protected !!
%d bloggers like this: