‘ FALTA DI ESPACIO PA UN 200 ALUMNO PA MAVO …TA DEMONSTRA FALTA DI PLANIFICACION DI PARTI DI GAB. MIKE EMAN/AVP !’

BENNY NISBET (PPA):
‘ FALTA DI ESPACIO PA UN 200 ALUMNO PA MAVO …TA DEMONSTRA FALTA DI PLANIFICACION DI PARTI DI GAB. MIKE EMAN/AVP !’
Con por ta posibel cu na 2017 ora Aruba supuestamente tin un gobierno di cinco (5) streya cu no a tene cuenta cu e posibilidad cu Aruba lo tin mester di un of mas scol di MAVO ?
For di maart 2004 fraccion di PPA den parlamento a projecta e necesidad aki pa e districto di Noord cu a crece formalmente y NO tabatatin ningun MAVO. PPA tabata e prome partido cu a mustra riba e necesidad di districto di Noord pa un MAVO. E mocion aki a pasa parlamento UNANIMAMENTE !! Pero lamentablemente durante e gobernacion di MEP NO a pone fondo disponibel durante anja 2005, 2006, 2007, 2008 y 2009 !!
Esaki ta conta igualmente pa e HAVO/VWO cu tabata parti di e mocion aki di PPA !! MEP a larga 5 anja pasa y no a pone fondo disponibel pa e necesidad di districto di Noord pa un MAVO –HAVO-VWO!! Esey ta e realidad !! Si t’asina cu e anja cu MEP lo a bandona gobierno nan lo tabatatin un suma di 11 miljon pero pa e parti di HAVO VWO cu tabata 11 miljon florin mas o menos. Cu otro palabra gobernacion di MEP NO a planea pa ejecuta e MAVO pero si e HAVO/VWO .
Ora AVP a gana eleccion na 2009 nan a tuma e fondo disponibel y a inverti esaki den e plan di un ‘street-trolley’ na Oranjestad ….aki claramente AVP NO a pone ensenansa como e prioridad ! Gobernacion di AVP a goberna mientras tanto pa ocho (8) anja y ningun inversion NI den un MAVO menos ainda un HAVO VWO pa districto di Noord. Aki anja 2010, 2011, 2012, 2013, 2014, 2015, 2016 y awor 2017 a pasa y AVP no a duna prioridad na districto di Noord pa cu ensenansa.
Locual pueblo mester tene cuenta cune ta cu AVP a inverti un 2500 million florin den ensenansa…pero no tabatatin un 15 million disponibel pa inverti den districto di Noord pa cu ensenansa di e muchanan future di nos pais.
1 billion florin a bai na e Hospital, casi 1 billion na e green corridor, un 500 million lo bai na Watty Vos blvrd y mas cu 2 billion na tur sorto di projecto grandemente na Oranjestad…… pero AVP su gobierno durante 8 anja NO tabatatin fondo disponibel pa districto di Noord. Pa colmo e infra-structura esta caminda, trottoir y e sistema pa maneha e jobida den districto di Noord a bai barbaramente atras durante e ocho(8) anja di gobernacion di AVP !!
Despues cu PPA a logra presenta y pasa e mocion pa un Mavo Havo VWO na Noord…nos a tende algun partido grita como sifuera cu ta algo nobo nan ta bin cunele….pero un mocion di PPA a pasa parlamento kaba y simpelmente mester worde ejecuta y aki tanto gobierno pero parlamento awor 13 anja largo a faya districto di Noord barbaramente!!
Pa locual ta trata e falta di cupo un 200 cien ta algo hopi serio …..! E alumnonan aki aparentemente lo worde poni den un scol hinca den otro den pura …kizas di container….kizas di trailer….kizas di un sitio no prepara como un scol anto esaki ta affecta e espirito pa un mucha studia immensamente. E necesidad pa un scol moderno ta algo importante pa un mucha por lanta tur dia pa bai scol pa studia pa su future. Y aki tanto gobierno di Aruba como parlamento como instancia pa controla esaki a faya barbaramente. Pesey e partidonan cu tabatatin e signatura di ensenansa a faya seriamente y e pueblo lo mester tene cuenta cu esaki incluso partido POR cu simpelmente awo ta AVp chikito y a forma parti di e caos den tur sentido di palabra.
PROCEDURA ESPECIAL PA ANALISA ENSENANSA !!
Pa anjas PPA ta boga pa introduci un procedura ‘extra’ den ensenansa pa analisa e problematica en general di ensenansa anualmente. Esaki door di larga departamento di Inspectie worde encarga pa hasi un analisis riba tur tereno di ensenansa cual analisis lo worde discuti entre Gobierno/ministro su departamento di Ensenansa y e veld di Ensenansa. Meta lo ta pa ajusta e maneho na momento cu tin indicacion cu ta necesario. Pero lastimamente NI MEP NI AVP no tabata kere den e procedura ‘extra’ aki …apesar cu nos constitucion ta bisa …..’Onderwijs is een onderwerp van aanhoudende zorg des regerings’ !!
PPA ta un alternativa serio pa nos pueblo. Aruba ta den un crisis-financiero-economico-social cu effectonan negativo riba casi tur tereno. Den un crisis asina un pueblo no mester scoge pa esnan responsabel pa e crisis…nan no por ta parti di e soluccion. Fuera di esey scoge pa un partido sin experiencia …ta como sifuera e pueblo ta bisa…..dal bai cu e crisis….!! E garantia pa salba nos pais y drecha e crisis ta sinta den partido cu tin experiencia di goberna y sigur esnan manera PPA cu NO ta forma parti di esnan responsabel pa e crisis serio aki.
Pesey PPA su programa ta hiba e nomber ………Aruba…….na caminda pa e Proximo Nivel !! PPA ta conta riba sosten di pueblo y sosten di firma cu lo ta necesario pa asina nos por ta un alternativa serio durante e eleccion aki.
Aruba, 23 di juli 2017 Lider Politico di PPA
BENNY NISBET