Aksidente di trafiko ku 4 herido grave.

 

KOMUNIKADO DI PRENSA 434 12021
26 desember 2021

Aksidente di trafiko ku 4 herido grave.

Djadumingu 26 di desèmber 2021 alrededor di 00.59’or, Sentral di Polis a dirigí algun unidat pa e krusada Schottegatweg-West i Sto. Domingoweg pa un aksidente serio i den kua tin kuater persona gravemente heridá.
Na yegada di e promé unidat, e la bin topa ku 3 ko-okupante di un outo di famia ku tabata pega den e vehíkulo, mientras e shofùr si a logra sali for di e outo riba su mes forsa.
A pidi presensia di ekipo di reskate di brantwer pa por a saka e víktimanan for di den e outo.
Den kondishon delikado a transportá nan despues ku ambulans pa Sala di Emergensia di C.M.C. pa tratamentu médiko.
For di investigashon realisá na e sitio a sali na kla ku kousa di e aksidente ta falta di dunamentu di preferensia.
Personal di Departamento di Tráfiko ta kontinuá ku e investigashon.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: