Intento di ladronisia ku violensia/maltrato i detenshon di 2 sospechoso i un sospechoso ku a fayesé na e sitio despues di a keda alkansá pa bala prosedente di un arma reglamentario di polis

KOMUNIKADO DI PRENSA

 281 / 2017

29 yüli 2017

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Intento di ladronisia ku violensia/maltrato i detenshon di 2 sospechoso i un 

sospechoso ku a fayesé na e sitio despues di a keda alkansá pa bala 

prosedente di un arma reglamentario di polis

__________________________________________________________________

Djabièrnè 28 di yüli 2017 alrededor di 23.46 or, Sentral di Polis a dirigí un unidat Polisial na 

Roosendaalweg kaminda a señalá algun hòmber sospechoso ku a baha for di un outo i bula 

muraya di kurá di un kas. Na momento ku e promé patruya a yega na e sitio nan a topa ku tres

(3) hòmber ku hanskun bistí i kara tapá den kurá di e kas i den bisindario. E sospechosonan 

tabata kuadra den liña grandi ku e deskripshon di e sospechosonan ku a bula den e kurá di e 

kas un ratu promé.

Ora ku e agentenan polisial a yega na e sitio a haña nan konfrontá ku un di e 

sospechosonan(1).

Teniendo na kuenta e situashon i sirkumstansianan ku tabatin na e momento ei, e agentenan 

mester a aktua mesora hasiendo uzo di nan arma reglamentario. E sospechoso(1) aki a risibí 

un bala na e parti ariba di su kurpa i a fayesé na e sitio mes. Mas lat dòkter di polis a konstatá 

morto di e hòmber aki. Te na e momento aki e sospechoso aki no a keda identifiká 

ofishalmente. 

Miéntras tantu e otronan a bula muraya i trata di kore bai. A sigui un persekushon kòrtiku na 

pia i despues di atvertensia, polis a lòs tiru dirigí riba un otro sospechoso(2). E sospechoso aki 

R.F.S. nasé na Kòrsou, 30 aña di edat a keda alkansá pa un bala na su ènkel. E sospechoso aki 

tabatin un machete den su poder. 

For di un investigashon ku e agentenan a realisá na e sitio, a resultá ku tres suheto ku kara 

tapá i ku hanskun a bula e kura i a bai serka e habitante i menasa esaki pa duna nan sèn. E 

sospechosonan a maltratá e víktima na su kabes. Personal di ambulans a duna e víktima 

asistensia médiko. Polis a konfiská tantu e muts, hanskun, machete komo e outo pa mas 

investigashon. 

A presentá e sospechoso dilanti di un fiskal ouksiliar ku a ordená su enkarselamentu pa mas 

investigashon.