KOMUNIKADO DI KUERPO POLISIAL KÒRSOU Un detenshon pa maltrato i menasa.

KOMUNIKADO DI KUERPO POLISIAL KÒRSOU
298 / 2017
3 ougùstùs 2017
Un detenshon pa maltrato i menasa.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 3 di ougùstùs 2017, alrededor di 15.10 or, Sentral di Polis a haña notifikashon di
un kaso di menasa ku morto ku ta tumando lugá riba Schottegatweg Noord. For di un
investigashon ku polis a hasi na e sitio a resultá ku un pareha tabatin problema ku otro i e
dama tabata bini den direkshon di warda di polis na Rio Canario den su outo. E hòmber
tabata kore tras di e dama riba e kaminda menshoná i na vários okashon e tabata blòkia e
outo di e dama i tabata menas’é ku morto. Polis a detené e hòmber T.Z.d.L. nasé na Kòrsou
di 19 aña di edat pa maltrato i menasa. Detenshon a tuma lugá na riba Schottegatweg
Noord na altura di un restorant. Esaki despues ku e dama víktima a presentá na warda di
polis Rio Canario i entregá keho kontra di e sospechoso. T.Z.d.L. a maltratá e dama un dia
anterior i polis a konstatá ku e dama tin un bolònbònchi na su frenta.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.