Un produkto stimá pa diferente generashon: Glacial ta lansa ‘Un momentu refreskante’
Un produkto stimá pa diferente generashon:
Glacial ta lansa ‘Un momentu refreskante’
WILLEMSTAD, APR 2018 – E propaganda nobo di Glacial a bai den aire i ta kòrdando tur hende riba algun uso refreskante! For di chikí nos a lanta kuné, i grandinan no ta sali kas sin dje, maske ta den nan tas. Un poko riba lensu pa kita doló di kabes, òf riba e barika dje nietu pa suavisá e piká di sangura. Alcolado Glacial t’un produkto netamente di Kòrsou i asina nos a bin ta stim’é tambe. Tur hende mester por kòrda kon ántes tabata por a pasa ‘refill’ e bòter di Glacial ku alcolado sin niun kosto adishonal.
Bo momentu refreskante
Hopi hende ta pensa ku Alcolado Glacial ta únikamente pa e usonan ariba menshoná, sinembargo tin por lo ménos 10 diferente uso; e .o pa aliviá será di nanishi, kita doló di múskulo despues di deporte, por us’é komo loshon pa masashi, òf despues ku e kabayero kaba di feita. Bo tabata sá ku Alcolado Glacial ta yudabo baha malestar di kayent’i kurpa ora di keintura. Klaro, e uso di mas popular; e ta refreská!
Resientemente, Glacial a lansa su propaganda nobo den kual e fiel usadó di Alcolado Glacial ta mira diferente uso. No lubidá, awor tin Alcolado Glacial den ‘pump spray’, mas fásil pa usa i mas fásil pa bai kuné. E linea kompletu ta inkluí e ‘hand sanitizer’, chest rub i e habon tambe. Pa mas informashon tokante e Glacial i su produktonan bishita e página di Facebook!
