QMQ Organization ta habri inskripshon pa e di dos edishon di e sertámen Miss Teenage Globe Curaçao 2023.

Willemstad – Tur kos ta klá pa QMQ Organization bou di manego di Ayanette Haard Statia i su tim presentá e di dos edishon di e sertámen hubenil ku a hala mas atenshon lokalmente aña pasa i a kombertí su mes den e sertámen hubenil di momento, Miss Teenage Globe Curaçao 2023.

 

E aña aki lo no ta diferente. QMQ Organization ta habri inskripshon pa e sertámen di un forma kreativo i diferente ku un skètch ku por mira riba tur plataformanan sosial di QMQ kaminda por apresia e missnan di aña pasa huntu ku direktor demostrando ku e sertámen ta muchu mas ku beyesa i ta desaroyá diferente talento serka e missnan.

 

Tur hóben dama entre 15 pa 18 aña di edat ku tin e soño pa partisipa por inskribí huntu ku nan mayor via e link ofisial riba tur plataforma sosial di QMQ Organization i asina lo risibí un mail ku tur informashon. E opportunidat pa inskribi lo no dura largu, inskripshon ta será 4 mart 2023.

 

E sertámen lo ranka sali fin di mart 2023 ku diferente aktividat pa e partisipantenan i tambe entrenamentunan spesial pa nan ta bon prepará pa e sertámen final ku lo tuma luga den luna di yüni 2023.

 

Meskos ku aña pasa ganado i finalistanan lo haña e opportunidat pa representá Kòrsou international.

 

Loke tambe por apresiá den e skètch ta ku un Queen nobo ta wòrdu korona! QMQ Organization ta habri un sertámen mas i esaki ta Miss Pre-Teenage Globe Curaçao. Pues tur hóben dama entre 11 pa 14 aña di edat tambe por inskribí awor pa un sertámen spesial pa nan kaminda e ganador tambe ta haña e opportunidat pa representá Kòrsou international.

 

Pa mas informashon por tuma kontakto ku direktor di QMQ Organization via whatsapp 513-7717 òf via email qmqorganization@gmail.com

 

QMQ ta klá pa sigui hasi soño di nos hóben damanan realidat.

Ayanette Haard Statia
Direktor Queen Making Queens (Q.M.Q) Organization