RE-APERTURA DI FARANDULA PA GRUPONAN DI ENTERTAINMENT A BIRA UN REALIDAT

 

RE-APERTURA DI FARANDULA PA GRUPONAN DI ENTERTAINMENT A BIRA UN REALIDAT

 

WILLEMSTAD – Awe  djaweps 6 di novèmber den oranan di mainta, e komishon KIF i e Asosiashon di Doñonan di Restorant a partisipá den un reunion bou di guia di Minister Steven Martina, den kua a anunsiá ku  e protokòl  pa re-apertura di Farándula pa gruponan di entertainment a bira un realidat.

 

Direktiva di AMAK i KIF ta kontentu ku e logro aki, pero ta bon pa nos informá ku esaki ta e promé paso pa por yega na meta final ku ta habri farándula kompletu den un forma responsabel.

 

Direktiva di AMAK ta gradesí komishon KIF i tambe doñonan di Restorant, e funkshonarionan di Polis, GMN i MEO, pero espesialmente Minister Dr. Steven Martina pa e forma habri ku por a diskutí pa por a yega na e desishon final.

 

Un gradesimentu tambe ta bai na tur e artistanan ku a asistí na e manifestashon ku a tuma lugá dia 27 di òktober último na Parke Wilhelmina, ya ku esaki sigur tabata un kontribushon balioso pa por a aselerá aprobashon di e protokòl di AMAK/KIF.

 

Direktiva di AMAK ta hasi un apelashon riba tur músiko pa atendé nan mes na tur e reglanan preskribí pa Gobièrnu, pa di e forma ei tambe kontribuí na mantené e kantidat di transmishon di e vírus Covid-19 abou i ku lo por kondusí pa krea e base di konfiansa pa apertura total di Farándula.

 

Por último, e anunsio ofisial lo bini di parti di Gobièrnu lo tuma lugá durante un konferensha di prensa awe tardi 3 or.

 

Direktiva di AMAK

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: