Charla grátis: “DEMENSIA”  Djamars 8 di MEI 2018 na Sentro di Bario Souax    

Charla grátis: “DEMENSIA”  Djamars 8 di MEI 2018 na Sentro di Bario Souax    

Fundashon Pro Souax, Sentro di Bario Souax i Sentro Médiko Souax ta anunsiá na habitante di barionan di Souax, Gato i bisindario i tur otro interesado, ku djamars awor 8 di mei lo tin otro interesante charla riba salú i kuido di salú. E luna aki, e tópiko ta: DEMENSIA.
Un i tur ta keda invitá pa bin tende Dr. Oliva su splikashon amplio riba e malesa aki. Entre otro e lo papia riba e diferente tiponan di demensia, señal i símptomanan di demensia, kiko por ta e posibel kousanan di demensia i e proseso pa diagnostiká demensia. Tambe Dr. Oliva lo amplia riba tratamentu i kuido di e pashènt ku demensia, algun faktor di rísiko i tambe prevenshon di demensia. E charla ta tuma lugá na Sentro di Bario Souax. Orario di e charla ta di shet’or pa mitar di nuebe di anochi. Entrada ta grátis.  Durante e charla lo tin amplio oportunidat pa hasi pregunta.

Fundashon Pro Souax ke animá tur habitante di bario di Souax i Gato pero tambe otro interesadonan
pa asistí na otro charla interesante riba bo salú i kon kuida bo salú.

 

 

Charla riba salú i kon kuida bo salú

Tópiko   :”DEMENSIA”                                                                                                                                                             

                          Oradó   : Dr. Octavio Oliva

Dia        : Djamars 8 di MEI 2018

Ora        : Shet’or pa mitar di nuebe di anochi  (19.00 – 20.30)                               

Lugá      : Sentro di bario Souax

Entrada  : GRÁTIS