Bon vibrashon pa presentashon di Kapo dia 1 di novèmber próksimo
Bon vibrashon pa presentashon di Kapo dia 1 di novèmber próksimo
WILLEMSTAD — E entusiasmo ta real! E sensashon di Afrobeat Colombiano Kapo lo subi esenario prinsipal na VIBRAS Festival dia 1 di novèmber 2025, pafó’ na Curaçao Airport Dome (Capital C).
Despues di su presentashon elektrisante na Aruba, Kapo awor ta kla pa trese su ritmo kontagioso i su presensia magnétiko riba esenario i ofresé Kòrsou un anochi inolvidabel. Fanátikonan ta totalmente kla pa Kapo su setlist yen di éksito, inkluyendo faboritonan di públiko manera “Ohnana,” “Uwaie,” “Aloh Aloh,” “Pelinegra,” “Korazong,” i “ILY.” Su fushon di zonidonan Afrobeat, Latin i urbano a solidifik’é komo un di e bosnan nobo mas emoshonante den músika di idioma spañó awendia. Resientemente koroná komo Mihó Artista Nobo Latino/Urbano na e Premionan di Músika iHeartRadio 2025 i Artista Nobo Maskulino di Aña di Pop-Rock/Urbano na e Premios Lo Nuestro 2025, Kapo su strea ta sigui subi rápidamente den lista- i esenarionan internashonal.
Komo titular pa e VIBRAS Festival di e aña aki, Kapo ta liderá un line-up tremendo — inkluyendo Jeon & Band, Raffik i ICONS. E festival ta primintí un eksperensia den aire liber ku hopi energia na Capital C, selebrando músika, kultura i konekshon. “Nos ta entusiasmá di trese Kapo, Kòrsou — su bon vibrashon i músika ta kapturá perfektamente e energia di VIBRAS.”
Karchinan pa VIBRAS Festival 2025 ta bendiendo lihé. Fanátikonan ta wòrdu enkurashá pa sigurá nan entrada trempan pa ta parti di un di e eventonan mas antisipá di aña. Buska bo karchi awe mes na Ticketpoint na Zeelandia, 24 Uur Uit De Muur, On The Go, i ESO.
