MANIFESTASHON DI AMAK RELASHONA KU MEDIDANAN DI COVID 19

 

 

MANIFESTASHON DI AMAK RELASHONA KU MEDIDANAN DI COVID 19

 

WILLEMSTAD — Direktiva di AMAK i tambe representante di e komishon na Interes di Farándula ta invitá tur miembro, músikonan i artistanan i tur hende ku tin di haber ku sektor di Farándula di Kòrsou, na un manifestashon ku lo tuma lugá djamars awor dia  27 di òktober awor for di 5 pm na Parke Wilhemina.

 

Durante e manifestashon aki dirigentenan di AMAK i tambe algun músiko lo trese dilanti nan preokupashon relashoná ku ta sera Farándula pa 8 luna, miéntras e kantidat di infekshonnan di Covid 19 no a keda redusí. Pues no ta Farándula ta e fuente ku ta okashoná oumento di e kasonan ku ta tèst positivo aki na Kòrsou.

 

Direktiva di AMAK huntu ku Komishon na Interes di Farándula a tene un kantidat di reunion  ku Gobièrnu di Kòrsou i instansianan konserní i entregando dokumentonan pa mira kon por suavisá e medidanan i ku por pone Farándula por kuminsá bira operashonal. 

 

Tumando na kuenta e tardansa ku e proseso pa logra un entendimentu ta tardando hopi, direktiva di AMAK a opta pa tene un manifestashon durante kual lo duna informashon relashoná ku e inaktividat di Farándula. 

 

Konforme lei, direktiva di AMAK por eskrito a pone Minister di Hustisia na altura di e aktividat aki.

 

Finalmente, direktiva di AMAK ta hasi un apelashon na tur esnan ku ta asistí na e manifestashon pa mantené e reglanan vigente di higiena stipulá pa Gobièrnu i pa nos tur demostrá den un forma korekto nos preokupashon. Un boka bisa otro.

 

Direktiva di AMAK

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: