Grupo I Love HipHop and R&B Curaçao ku elekshon Rei & Reina Tiner 2020 

Grupo I Love HipHop and R&B Curaçao ku elekshon Rei & Reina Tiner 2020 

 

Grupo I Love HipHop and R&B Curaçao ta un grupo di Tiner ku ta bai partisipá pa su di  4 aña den Parada di Tiner 2020.

E grupo a bin ta traha hopi fuerte pa mantené nan mes durante di e aña nan aki, pero ku satisfakshon nan a logra esaki. Komo Grupo Tiner di Aña 2018,  a duna nan mas empuhe pa sigui ku nan grupo i duna hóbennan e oportunidat pa por partisipá den Karnaval.

Pa aña 2020 lo no ta un eksepshon. Nan ta trahando duru pa logra tur nan soño nan pa e Parada di Tiner 2020. P’esei nan lo bai tin nan propio Elekshon di Rei & Reina Tiner 2020, dia 09 novèmber próksimo den e hardin di Because Entertainment Center.

Durante di e anochi aki tambe lo bai tin presentashon di nan trahe pa ku e Parada di Tiner 2020. Lo tin animashon di ICONS, Dj Krokzz, Dj Jay T, Dj Synthz i Dj Denny. Na final lo tin un Jump –In Afterparty.

              In un total di 9 hóben ku lo bai partisipá na e elekshon, 5 Reina i 4 Rei lo kompetí pa e titulo di Rei & Reina Tiner ILHHRB 2020 i nan lo bai kompetí pa e premio máksimo di Rei & Reina Tiner dia 24 yanüari 2020. Karchinan na balor di fl. 20,– ya ta optenibel serka tur partisipante i miembronan di ILHHRB. E anochi lo start for di 7’or pa 10’or di anochi.

              E partisipantenan ta : Pa Rei Tiner : No1. Shersand Wanga, No. 2 Bryangelo Claresa, No. 3 Dievenier Hamen, No. 4 Alexander Juliana. Pa Reina Tiner : No. 1 Keilan Isidora, No. 2 Roshainy Windster, No. 3 Marinelis Eisden, No. 4 Suyay Garcia , No. 5 Kionnah Gaari.

              Pues buska boso karchi bin apoyá e partisipantenan, disfrutá di e Show di Trahe i di e tremendo ambiente ku ILHHRB ta ofresé den e Hardin di Because Entertainment Center.