E siman aki tin dos kaso ku or hala hopi atenshon. Nan ta kaso “Fortalesa” i kaso “Luna”.

Info OM:

E siman aki tin dos kaso ku or hala hopi atenshon. Nan ta kaso “Fortalesa” i kaso “Luna”.

Djamars 15 di mei 2018 pa 09:30 or di mainta ta bai trata kaso “Fortalesa”. Sinku persona (4 di Venezuela i 1 di Repúblika Dominicano) tin ku responsabilisá nan mes pa 10 kilo di droga, 20 arma di kandela i munishon ku a keda konfiská 18 di ougùstùs 2017 durante un persiguishon dor di polis ku a terminá den Kaya Mitologia ku un saldo di 3 morto i 1 persona gravemente herida.

Djárason 16 di mei 2018 pa 09:30 or di mainta ta bai trata kaso “Luna”. Ku ta un kaso di asesinato den Kaya Hematita dia 3 aprel 2017 i na unda Edward Anthony Leito (1947) a pèrdè su bida. Den e kaso aki tin 3 sospechoso ku tin ku responsabilisá nan mes den korte. Nan ta 2 di Kòrsou i 1 sospechoso di Sint Maarten.