PARTIJRAAD Movementu Futuro Korsou

 

PARTIJRAAD Movementu Futuro Korsou

22 DI YULI 2020

 

Konsiderando ku;

  • Partijraad di MFK a konstatá ku Parlamento ta konsistí di solamente 20 miembro;
  • E di 21 miembro di Parlamento no a keda huramentá serka Gobernadó ainda pa asina asumí su posishon den Parlamento;
  • Partijraad di MFK a konstatá ku gabinete Rhuggenaath no ta gosa di un mayoria den Parlamento na e momentunan aki;
  • Dia 20 di yüli, miembronan di Parlamento di MFK a pidi un reunion urgente pa haña klaridat konforme artíkulo 29 di nos Areglo di Estado;
  • E reunion urgente di Parlamento ku frakshon di MFK a pidi na presidente di Parlamento no a keda honrá; 
  • Gobernadó a risibí un karta dia 21 di yüli dor di nuebe miembro di Parlamento, huntu ku esun di Parlamentario Calmes di un dia promé, indikando ku gabinete Rhuggenaath no tin e mayoria den Parlamento;
  • Gobernadó na su turno a manda e karta pa gabinete Rhuggenaath pa esaki keda atendé dor di gobièrnu;
  • Partijraad di MFK ta desaprobá kon gabinete Rhuggenaath a atendé ku problemanan di pueblo di Kòrsou manera; negoshashon di Refineria ku Klesch, negoshashon ku Hulanda, oumento di desempleo, pobresa, ekonomia, benta di UTS, problemanan di Giro Bank, areglo di NOW, mal maneho finansiero, etc.;

 

Ta disidí ku:

  • Pa laga gabinete Rhuggenaath asumí su responsabilidat i resolvé e problema ku nan a krea, relashoná ku aprobashon di kredensial di miembro nobo ku mester drenta Parlamento
  • Ta eksplorá e aplikashon di artíkulo 53 di Statüt pa sali for di e impase aktual  ku tin den Reino Hulandes
  • Partijraad di MFK ta duna mandato na frakshon di MFK pa hasi tur lokual ku ta na nan alkanse pa bini ku un Gobièrnu di Unidat Nashonal òf elekshon adelantá, pa atendé ku e problemanan grandi ku pais Kòrsou ta konfrontando

 

I ta pasa pa órden di dia

 

Aprobá pa aklamashon dia 22 di yüli 2020, pa miembronan presente na Partijraad

This site uses Akismet to reduce spam. Learn how your comment data is processed.

error: Content is protected !!
%d bloggers like this: