Minister Armin Konket a risibí un plan di implementashon di maneho pa mantené empleadonan públiko salú, den desaroyo i produktivo, for di man di srta. Shahely Torbed.

Minister Armin Konket a risibí un plan di implementashon di maneho pa mantené empleadonan públiko salú, den desaroyo i produktivo, for di man di srta. Shahely Torbed.
Srta. Torbed resientemente a defendé su tésis den kuadro di su estudio di Human Resource Management na University of Curaçao. E tésis a trata resultadonan di un investigashon ku srta. Torbed a hasi na Ministerio di Maneho di Gobernashon Planifikashon i Servisio Públiko (GPS).

E plan di implementashon ta kontené diferente aspekto masha interesante manera stimulá un estilo di bida salú, orarionan di trabou fleksíbel i invershon den empleado públiko. Minister Konket a gradisí srta. Torbed pa a skohe e ministerio di GPS komo opheto di estudio i pa e rekomendashonnan sumamente balioso ku el a duna na Ministerio di GPS. Tambe, minister Konket a komprometé su mes di hasi bon uso di e rekomendashonnan risibí.