Ministerio di Tráfiko, Transporte i Planifikashon Urbano Minister Charles Cooper ta felisitá Courtyard Marriot pa a yega punto di mas haltu

Ministerio di Tráfiko, Transporte i Planifikashon Urbano

Minister Charles Cooper ta felisitá Courtyard Marriot pa a yega punto di mas haltu
Willemstad – Courtyard by Marriot a selebrá e echo ku nan a yega e punta di mas haltu den e konstrukshon di e hotèl nobo aki. Minister Charles Cooper tabata presente na e okashon aki i a felisitá nan pa e logra importante aki den e proseso di konstrukshon. E hotèl lo konsistí di 152 kamber i lo duna 75 persona un kupo di trabou.
Nos por mira kon e konstrukshon ta desaroyá den e área di Rif. Un bunita hotèl ku pronto lo habri su portanan. Ministerio di VVRP a sòru na inisio pa tur pèrmit di konstrukshon. Ta impreshonante pa menshoná ku ta Minister Charles Cooper mes a duna e desaroyadonan e terenonan aki den forma di ‘optie’ na aña 2007. Banda di esaki, VVRP a sòru tambe di traha un kaminda pa konektá Rotònde Hamelberweg ku Megapir tula, ku ta pasa banda di Courtyard by Marriot.
Tambe lo konstruí un kaminda pa di suit pa ost ku tambe ta pasa banda di Courtyard by Marriot, hasiendo e hotèl asinaki aksesibel via di kareteranan nobo.
Minister Charles Cooper ta kontentu ku e desaroyo grandi aki pa nos pais i ta antisipá riba e apertura ofisial, plania na òktober 2022.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: